Nakolki realistyčny prahnoz ekanamičnaha raźvićcia Biełarusi na 2025 hod? Adkazvaje ekanamist
Alaksandr Łukašenka padpisaŭ ukaz, jakim zaćvierdziŭ prahnoznyja paramietry ekanamičnaha raźvićcia Biełarusi na 2025 hod. Spytali ŭ ekanamista, nakolki mahčyma hetaha dasiahnuć.
Acenka prahnozaŭ
Čakajecca, što rost VUP u nastupnym hodzie składzie 4,1%, realnyja dachody nasielnictva vyrastuć na 4%, a inflacyja nie pavinna pieravysić 5%.
Na dumku ekśpierta BEROC Anastasii Łuzhinoj, najbolšyja sumnievy vyklikajuć prahnozy, datyčnyja rostu VUP.
«Pryrost VUP na 4,1% — bolš, čym zapłanavana ŭ hetym hodzie, kali ekanomika pracuje na miažy svaich mahčymaściaŭ z ulikam narastalnaha deficytu kadraŭ i štučnaha strymlivańnia cen», — kaža ekanamist.
Pa vynikach studzienia-žniŭnia 2024 hoda VUP Biełarusi vyras na 4,9% (adnosna taho ž pieryjadu 2023 hoda). Zapłanavany pakazčyk na hod — 3,8%.
Rasijski faktar
Anastasija Łuzhina adznačaje, što važnym faktaram źjaŭlajecca toje, što ŭ 2024 hodzie rost ekanomiki Biełarusi byŭ padmacavany aktyŭnym pryrostam ekanomiki rasijskaj.
«Na 2025 hod u płanach rasijskich uładaŭ zatarmazić aktyŭnuju dynamiku. Heta budzie aznačać zapavoleńnie rostu popytu ŭ tym liku na biełaruskuju pradukcyju. Z ulikam usich vyšejpieraličanych faktaraŭ pavieličeńnie VUP na 4,1% źjaŭlajecca, na moj pohlad, małarealistyčnym», — ličyć ekśpiert.
Kiravanaja inflacyja
Što tyčycca inflacyi, to, na dumku ekśpierta, z ulikam žorstkaha rehulavańnia cen ułady mohuć vyjści na zapłanavanyja 5%, hałoŭnaje pytańnie tut — jakoj canoj.
«U peŭnaj miery hetamu budzie spryjać prahnazavanaje zapavoleńnie cen u Rasii. Adnak kali hałoŭnaj metaj stanie rost VUP, to, mahčyma, niekatoraje pieravyšeńnie prahnozu.
Ale znoŭ-taki va ŭmovach žorstkaha rehulavańnia aficyjnuju inflacyju całkam mohuć utrymać u ramkach zapłanavanych paramietraŭ», — ličyć Łuzhina.
Rost realnych zarobkaŭ zapavolicca
Što tyčycca realnaha rostu dachodaŭ, to jon, pavodle płanaŭ, zapavolicca i składzie 4%. Pra toje, što ŭ 2025 hodzie rost realnych dachodaŭ budzie nie taki vysoki, jak u 2023-2024 hadach, nieadnarazova kazali i niezaležnyja ekanamisty.
Dla paraŭnańnia, u 2023 hodzie aficyjnaja statystyka fiksavała realny rost zarobkaŭ na ŭzroŭni 6,3%, choć płanavałasia, što jon budzie mienšy — 4,1%. U 2024 hodzie tempy rostu realnych zarobkaŭ vyraśli. Pavodle źviestak Mižnarodnaj finansavaj arhanizacyi (JEABR), realny zarobak u krainie ŭ žniŭni 2024 hoda vyras na 12,3% u paraŭnańni z anałahičnym pieryjadam 2023 hoda. Atrymlivacca, što zapłanavany na 2025 hod rost pamieram 4% vyhladaje davoli realistyčnym.
Ciapier čytajuć
Biznesmien, biełaruska sa Šviecyi, chłopiec, asudžany za čat na pieciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim55
Kamientary
Dziaržaŭnyja planaviki škodziać ludzkoj haspadarčaj dziejnaści, a BEROCaŭcy svajoj krytykaj formy lehitymizujuć ŭ vačoch niepahłyblenaje ŭ temu publiki ichi metad.
Spadziajusia, zrazumieła patłumačyŭ