Padčas prezidenctva Tramp pytaŭsia ŭ Pucina, ci varta ZŠA davać Ukrainie zbroju dla abarony ad Rasii
Hety abmien mierkavańniami adbyŭsia na pieršaj asabistaj sustrečy Pucina i Trampa, kali toj tolki staŭ prezidentam ZŠA.
Jak daviedałasia vydańnie The New York Times ad byłoha dziaržsakratara ZŠA Reksa Tylersana, Tramp na pieršaj sustrečy z Pucinym raiŭsia ź im, ci pravilna robiać ZŠA, što źbirajucca pastaŭlać amierykanskuju zbroju Ukrainie na fonie kanfliktu z Rasijaj na Danbasie.
Pieršaja sustreča dvuch prezidentaŭ adbyłasia na palach samitu G20 u Hamburhu ŭ 2017 hodzie, praz hod paśla pieramohi Trampa na prezidenckich vybarach u ZŠA.
Jak raspaviadaje Tylersan, rasijski lidar padčas razmovy z Trampam «pravioŭ tamu majstar-kłas pa farmiravańni myśleńnia». Pucin prynižaŭ Ukrainu, nazyvaŭ jaje vielmi karumpavanaj i štučna stvoranaj krainaj, a taksama nastojvaŭ, što Rasija maje poŭnaje histaryčnaje prava akazvać upłyŭ na Ukrainu i vyrašać jaje los, cytuje The New York Times słovy Tylersana.
«U adzin z momantaŭ hutarki Tramp zajaviŭ Pucinu, što razhladaje mahčymaść pastavak zbroi Ukrainie, i spytaŭ u taho: «Što vy dumajecie?» Pucin u adkaz skazaŭ, što «heta była b pamyłka, i jakuju b dapamohu ZŠA ni akazali ŭkraincam, jany paprosiać jašče». Tramp nie staŭ piarečyć», — paviedamlaje The New York Times sa spasyłkaj na Tylersana i troch dziejnych amierykanskich čynoŭnikaŭ, jakija taksama byli na samicie ŭ Hamburhu.
Tylersan adznačaje, što paśla tych pieramovaŭ jon, jak dziaržsakratar, zaklikaŭ supracoŭnikaŭ administracyi prezidenta ZŠA «źmianić mierkavańnie Trampa ab Ukrainie», bo jano trapiła pad upłyŭ Pucina.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
Adzin z prykładaŭ https://www.youtube.com/watch?v=FfJv9QYrlwg
"Padčas prezidenctva Tramp pytaŭsia ŭ Pucina, ci varta ZŠA davać Ukrainie zbroju dla abarony ad Rasii"
Toje samaje? Chiba nie. Čarhovy manipulatyŭna zahałovak Našaj Nivy. Sumna, što ŭzrovień tak upaŭ.