Valfovič raskazaŭ pra stvareńnie ŭ Biełarusi «dobraachvotnickich atradaŭ»
8 kastryčnika na palihonie navučalnaha centra śpiecyjalnaha pryznačeńnia ŭnutranych vojskaŭ Vałoŭščyna praviali kompleksny zaniatak z vajennaabaviazanymi, raniej prachodzili słužbu ŭ śpiecpadraździaleńniach MUS, a taksama ŭdzielnikami dobraachvotnickaha atrada «Śmierč». Dla čaho heta ŭsio, raskazaŭ BiełTA dziaržaŭny sakratar Rady biaśpieki Alaksandr Valfovič.
Jak tłumačyć Valfovič:
«Heta novaja forma pryzyvu vajennaabaviazanych: na dzień, na dva, u vychadny dzień, biez vykarystańnia sistemy mabilizacyi, jakaja adpracavanaja ŭ Biełarusi».
Pavodle jahonych słoŭ, hetuju formu prydumali, kab trymać u tonusie byłych aficeraŭ i sałdat unutranych vojskaŭ, AMAP, SACHR, «Ałmaza» i inšych śpiecpadraździaleńniaŭ MUS, jakija zvyčajna vykarystoŭvajucca dla baraćby z unutranymi vorahami režymu.
Praŭda, Valfovič śćviardžaje, što trenirujuć hetych vajskoŭcaŭ nibyta dla baraćby z voraham źniešnim:
«Kali chtości pakvapicca na naš suvierenitet, terytaryjalnuju cełasnaść, to pa sihnale prezidenta kiraŭniki siłavoha błoka daduć kamandu i ŭ dziejnyja padraździaleńni, abminajučy vajenkamaty, na praciahu litaralna niekalkich hadzin prybuduć tyja, chto vydatna vałodaje navykami i sposabami viadzieńnia bajavych dziejańniaŭ. Dla ich užo zakładziena forma, kamplekty ŭzbrajeńnia».
Dla taho, kab u adpaviedny čas nie było zbojaŭ, takija byłyja siłaviki, maŭlaŭ, ciapier i trenirujucca na zborach. Pry hetym, jak kaža Valfovič, jany «razumiejuć nieabchodnaść takich zboraŭ i z žadańniem na ich prychodziać».
Siarod inšaha jany biaruć na ŭzbrajeńnie vopyt vajny va Ukrainie:
«Vyvučajecca prymianieńnie BPŁA, supraćdziejańnie im, srodki radyjoelektronnaj baraćby, novyja vidy strałkovaj zbroi, roznyja mabilnyja srodki pieramiaščeńnia, srodki paražeńnia, srodki akazańnia pieršaj miedycynskaj dapamohi. Taksama vajennaabaviazanym davodziać pytańni inžyniernaj padrychtoŭki, raźminiravańnia miascovaści i inšyja».
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina18
Kamientary
… družno obos**sia, kak tolko uznajut, čto protivnik tožie vooružien.
Eto nie lhoty siejčas sobirať.