Urad Biełarusi źmianiŭ praviły metavaha naboru ŭ vyšejšyja i siarednija śpiecyjalnyja navučalnyja ŭstanovy. Adpaviednuju pastanovu padpisaŭ premjer-ministr Alaksandr Turčyn.
Ciapier zakazać padrychtoŭku śpiecyjalista na ŭmovach metavaha navučańnia mohuć:
- dziaržaŭnyja orhany;
- dziaržaŭnyja arhanizacyi;
- arhanizacyi, dzie dola dziaržaŭnaj ułasnaści ŭ statutnym fondie składaje nie mienš za 50%;
- inšyja arhanizacyi, jakija «ŭnieśli značny ŭkład u raźvićcio rehijona», ale tolki pa chadajnictvie adpaviednaha abłasnoha abo Minskaha haradskoha vykankama.
Dla zakazčykaŭ uviali novyja patrabavańni: treba budzie abhruntoŭvać nieabchodnaść padrychtoŭki śpiecyjalista i vykonvać terminy padačy zajavak.
Dla abituryjentaŭ, jakija žadajuć vučycca na metavych umovach, ciapier abaviazkovy konkurs jak pry padačy dakumientaŭ, tak i pa vynikach ustupnych unutranych ekzamienaŭ u VNU. Taksama ŭstanoŭlenaja adkaznaść abituryjenta i zakazčyka za nieabhruntavanaje razryvańnie damovy ci nievykanańnie jaje ŭmoŭ.
Dadatkovyja źmieny ŭvodziać pieravod administracyjnych pracedur dziaržaŭnaj akredytacyi ŭ elektronny vyhlad i patrabavańnie ŭklučać u skład kamisii pa akredytacyi pradstaŭnikoŭ zakazčykaŭ kadraŭ.
Kryteryi acenki ŭstanovy adukacyi taksama źmianili: dola prafiesarska-vykładčyckaha składu z navukovymi stupieniami pavinna być nie mienšaja za 45% zamiest 40%. Hetaja norma, praŭda, pačnie dziejničać tolki z 1 vieraśnia 2030 hoda.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary