Ułady Rasii prapanavali vyvučać pieśni Hazmanava, «Lube» i Shaman na ŭrokach muzyki ŭ pačatkovaj škole
Pieśnia vykanaŭcy Shaman (pierapracoŭka pieśni «Koń» hrupy «Lube») i kampazicyja Aleha Hazmanava ŭklučany ŭ jakaści prykładaŭ sučasnaj muzyki dla vyvučeńnia na ŭrokach muzyki ŭ pačatkovaj škole. Pakul što hetyja pieśni nie źjaŭlajucca abaviazkovymi, paviedamlaje «Ahienctva».
Na płatformie «Ahulny źmiest ahulnaj adukacyi», jakaja vykarystoŭvajecca nastaŭnikami, pieśnia Shaman rekamiendujecca dla razhladu i vykanańnia na ŭrokach muzyki dla trecich kłasaŭ. U jakaści «prykład sučasnaj muzyčnaj kultury» prapanujecca pieśnia «Koń» u vykanańni Shaman.
Dla druhich kłasaŭ rekamiendavana pieśnia Aleha i Radzijona Hazmanavych «Lusi».
Nastaŭnica muzyki, jakaja vyvučyła sajt z prahramami dla redakcyi «Ahienctva», paćvierdziła, što heta nie abaviazkovaja prahrama, a ŭsiaho tolki adzin z mahčymych varyjantaŭ.
U toj ža čas, prahramy ź pieśniami Shaman i Hazmanava byli zaćvierdžany, prynamsi, Ministerstvam adukacyi Piermskaha kraju, Śviardłoŭskaj i Kiemieraŭskaj abłaściej, a taksama departamientam adukacyi Jaŭrejskaj aŭtanomnaj vobłaści.
Vydańnie «Čyta.Ru» paviedamiła, što ŭ miascovych škołach prymušajuć vučniaŭ 7—8 kłasaŭ razvučvać pieśni Shaman, jakija jość u prahramie ŭ jakaści prykładu patryjatyčnaj pieśni.
Nastaŭniki z Maskvy i Čuvašyi paćvierdzili adsutnaść Shaman u fiederalnaj rabočaj prahramie pa muzycy dla 5—8 kłasaŭ. Pa słovach adnoj ź ich, vybar repiertuaru adbyvajecca pa mierkavańni nastaŭnika.
U mietadyčnym liście dla vykładańnia muzyki na 2024-2025 navučalny hod, raźmieščanym na płatformie «Ahulnaje źmiest ahulnaj adukacyi», rekamiendujecca rabić urok muzyki bolš efiektyŭnym u płanie patryjatyčnaha i estetyčnaha vychavańnia.
Razmovy ab mahčymaści dadańnia ŭ školnuju prahramu «patryjatyčnych» piesień Hazmanava, Shaman i «Lube» vialisia jašče ŭ sakaviku 2024 hoda. Deputat Dziarždumy Siarhiej Kołunoŭ, jaki padtrymaŭ inicyjatyvu, zajaŭlaŭ, što takija pieśni dapamohuć u patryjatyčnym vychavańni dziaciej na fonie padziej, źviazanych z SVA.
-
Śvińnia źjaviłasia i źnikła ŭ telehram-kanale Dźmitryja Miadźviedzieva
-
«Kamunizm — heta sistema-niaŭdačnica, i tak budzie zaŭsiody». Tramp vystupiŭ z pramovaj na śviatkavańni 250‑hodździa niezaležnaści ZŠA
-
Tramp 1 hadzinu i 25 chvilin havaryŭ z Pucinym. Ušakoŭ padkreśliŭ, što Maskva znoŭ hatovaja da pieramovaŭ
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak41
Kamientary
Hałoŭnaje, bo vučni nie abirajuć i nie płaciać im dabraachvotna.
A ŭ navinie adno z nastupstvaŭ, symptom - źmiest nibyta adukacyi vučni nie abirajuć, a jon zahadvajecca partyjaj i ŭradam. A biudžetnyja nienastaŭniki vykonvajuć jaki zaŭhodna zahad.