Były kupałaviec Aleh Harbuz źniaŭsia ŭ polskim špijonskim sieryjale, jaki chutka vyjdzie na stryminhu MAX, paviedamlaje kanał «Śviaŝiennyj Biełavud».
Havorka pra sieryjał «Pierašyjak». Dziejańnie razhortvajecca viasnoj 2021 hoda, na fonie abvastreńnia adnosin na polska-biełaruskaj miažy. Sieryjał raskazvaje historyju Jevy Ahinic (Lena Hura), jakaja paśla asabistaj trahiedyi imkniecca pakinuć svaju pracu ŭ vyviedcy i pačać spakojnaje žyćcio. Adnak situacyja ŭskładniajecca, kali jaje partniora, ahienta Skinara (Karal Počač), raskryvaje rasijskaja raźviedka, paśla čaho jon biasśledna źnikaje.
Stvaralniki sieryjała śćviardžajuć, što stužka akunaje hledača ŭ sučasny śviet špijonskich hulniaŭ na fonie mižnarodnych kanfliktaŭ, dzie, niahledziačy na ŭsie sproby, ahient nikoli nie zmoža całkam admovicca ad słužby.
Siarod polskich i ŭkrainskich aktoraŭ u prajekcie možna sustreć i imiony biełaruskich artystaŭ. Adnu z rolaŭ u sieryjale syhraŭ aktor teatru i kino Aleh Harbuz, jaki da emihracyi pracavaŭ u Kupałaŭskim teatry.
Sieryjał «Pierašyjak» pakažuć hledačam na pačatku 2025 hoda.
Čerhaŭ na miažy ciapier nie budzie? Čaho čakać ad adkryćcia «Bruzhoŭ» i «Bierastavicy»4
Kamientary