Biernardzinski klaštar XIX stahodździa ŭ Dubroŭnie, uniesieny ŭ śpis historyka-kulturnych kaštoŭnaściaŭ Biełarusi, vystavili na tarhi. Aŭkcyjon pavinien adbycca 2 śniežnia, startavaja cana — 371 tysiača rubloŭ, piša «Smartpres».
Manastyr pabudavali ź biarvieńnia ŭ styli baroka ŭ XVII stahodździ, ale jon byŭ źniščany pažaram u kancy XVIII stahodździa. Paźniej jaho adbudavali ŭ kamieni, ale i toj varyjant całkam nie zachavaŭsia.
Kali vieryć lehiendzie, to manastyr zahadaŭ spalić jahony ž uładalnik, Francišak Lubamirski, nibyta z-za taho, što manachi nibyta abviančali jahonuju dačku ź biednym šlachcicam. Ale paźniej Lubamirski adnaviŭ budynak.
Ciapier ad usiaho manastyra zachavaŭsia tolki dvuchpaviarchovy žyły korpus, pabudavany ŭ 1809 hodzie. Jon zajmaje płošču ŭ 456 kvadratnych mietraŭ. Razam z pabudovaj pradajecca i ziamielny ŭčastak z terminam arendy na 50 hadoŭ.
Viadoma, što kaścioł byŭ zakryty ŭ 1930-ja hady. U im raźmiaščalisia rabfak i škoła. U 1990-ch u manastyry praviali častkovuju restaŭracyju — zamianili dach, umacavali pierakryćci. Ale paśla hetaha raboty nadoŭha spynilisia.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary