Śpiektakl ad Łukašenki: Baskaŭ u bombiery «SSSR», Siamionyč i «ŭnučka Lenina» VIDEA
Padčas čempijanatu pa kołcy drovaŭ siaroŭ prapahandystaŭ Alaksandr Łukašenka, kab paciešyć publiku, vyrašyŭ zładzić pierad imi scenku, u jakoj paŭdzielničała koła samych nabližanych da jaho ludziej.
Spačatku jon raskazaŭ, jak na vioscy dziaŭčat addavali zamuž: ich maci hladzieli za tymi chłopcami, chto najlepš biŭ drovy ci kasiŭ, i zahadvali dačkam iści za ich.
Paśla jon zaprašaŭ kałoć drovy svaich «vučniaŭ»: siabra Siarhieja Ciacieryna, doktarku Śviatłanu Kanašenka, pres-sakratarku Natallu Ejsmant, «sienatara» Dźmitryja Baskava i mytnicu Uładlenu Zajcavu, jakaja časta źjaŭlajecca pobač ź im u apošnija hady.
Baskaŭ dla bolšaj efiektnaści načapiŭ bombier z nadpisam «SSSR», a Zajcavu Łukašenka nazvaŭ «unučkaj Lenina», bo jaje imia składajecca sa skaračeńnia imia i proźvišča kiraŭnika balšavickaj revalucyi.
Kamientary