Ekspart Kitaja rvanuŭ uvierch — tam aścierahajucca pahroz Trampa i novaj handlovaj vajny
U kastryčniku ekspart Kitaja pakazaŭ samy chutki rost za apošnija dva hady. Heta adbyłosia, bo Kitaj čakaje, što ZŠA i ES nieŭzabavie pavysiać taryfy na ŭvoz kitajskich tavaraŭ.
Jak piša ahienctva Reuters, Kitaj ciapier aścierahajecca handlovaj vajny.
Donalda Trampa raniej abiacaŭ u vypadku svajoj pieramohi na prezidenckich vybarach u ZŠA pavysić taryfy na kitajski impart bolš čym na 60%.
Heta pałochaje kitajskich uładalnikaŭ zavodaŭ i čynoŭnikaŭ, pakolki štohadovyja pastaŭki z Kitaja ŭ ZŠA składajuć kala 500 miljardaŭ dalaraŭ. ES u minułym hodzie zakupiŭ kitajskich tavaraŭ na 466 miljardaŭ dalaraŭ, ale napružanaść u adnosinach ź Jeŭropaj taksama ŭzmacniłasia.
Ekspart Kitaja ŭ ZŠA ŭ minułym miesiacy pavialičyŭsia na 8,1% u hadavym vymiareńni, a pastaŭki ŭ Jeŭropu za toj ža pieryjad padskočyli na 12,7%.
Ahułam Kitaj pavialičyŭ u kastryčniku ekspart tavaraŭ na 12,7% u hadavym vymiareńni, što pieravyšaje prahnazavany rost na 5,2%
Čakajecca, što ŭ bližejšyja miesiacy pastaŭki zastanucca na vysokim uzroŭni.
Pavodle danych kitajskaj mytni, letaś asnoŭnymi tavarami, jakija Kitaj pastaŭlaŭ u Štaty, byli smartfony, płanšety i hulniavyja prystaŭki.
Jość prykmiety taho, što popyt na takija tavary źnižajecca.
Impart Kitaja z krain Jeŭrapiejskaha Sajuza ŭ minułym miesiacy skaraciŭsia na 6,1%.
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary