U Amsterdamie na zaŭziataraŭ izrailskaha kłuba napali ludzi ŭ maskach z paleścinskimi ściahami
Pavodle roznych źviestak, paciarpieli ad dziesiaci da tryccaci izrailskich zaŭziataraŭ. U paciarpiełych paboi i nažavyja ranieńni.
U Amsterdamie paśla futbolnaha matča ŭ Lizie Jeŭropy pamiž niderłandskim «Ajaksam» i izrailskim «Makabi Tel-Aviŭ» (5:0) na zaŭziataraŭ ź Izraila napali ludzi ŭ maskach. Niekatoryja ź ich byli z paleścinskimi ściahami i vykrykvali prapaleścinskija łozunhi. Napadniki taksama sprabavali ŭvarvacca ŭ hateli, dzie spynilisia izrailcianie, paviedamlaje Rasijskaja słužba Radyjo Svaboda.
Some horrifying "just anti-Zionism" in Amsterdam tonight as Israeli soccer fans are lynched by huge pro-Palestine mobs. Where are the police?! pic.twitter.com/HMwQgCwJMi
Pierad hulnioj zaŭziatary izrailskaha kłuba źniali vyviešany na vulicy ściah Paleściny. Paśla hulni na izrailcian napali ŭ niekalkich miescach horada. U paciarpiełych paboi i nažavyja ranieńni.
Ministerstva zamiežnych spraŭ Izraila paviedamiła, što 10 čałaviek atrymali ranieńni, z dvuma izrailcianami źviazacca nie ŭdałosia. Stupień ciažkaści atrymanych ranieńniaŭ udakładniajecca.
Pradstaŭniki palicyi Niderłandaŭ paviedamili, što atrymali šerah paviedamleńniaŭ pra bojki ŭ centry horada. Pavodle źviestak palicejskich, paśla biesparadkaŭ byli zatrymanyja 57 čałaviek.
Premjer-ministr Izraila Bińjamin Nietańjachu rasparadziŭsia nieadkładna adpravić u Niderłandy dva samaloty dla viartańnia ŭ krainu izrailskich hramadzian.
Kiraŭnik urada Izraila zapatrabavaŭ ad hałandskich uładaŭ chutkich i rašučych dziejańniaŭ u dačynieńni da ŭdzielnikaŭ biesparadkaŭ dla zabieśpiačeńnia biaśpieki hramadzian Izraila. Izrailcianie, jakija znachodziacca ŭ Amsterdamie, MZS Izraila zaklikaŭ nie pakidać haścinicy.
Ambasadar Izraila ŭ AAN Deni Danon apublikavaŭ u sacsietcy kadry napadu i nazvaŭ toje, što zdaryłasia «pahromam». «Heta sapraŭdnyja abliččy prychilnikaŭ radykalnaha teraryzmu, ź jakim my zmahajemsia», — napisaŭ jon.
⚠️ Graphic videos ⚠️
Hundreds of fans of the @MaccabiTLVFC soccer team were ambushed and attacked in Amsterdam tonight as they left the stadium following a game against @AFCAjax.
The mob who targeted these innocent Israelis has proudly shared their violent acts on social media.… pic.twitter.com/R3vRAIKrIG
Lidar najbujniejšaj u parłamiencie Niderłandaŭ pravaj «Partyi svabody» Hiert Viłders nazvaŭ toje, što adbyłosia na vulicach Amsterdama, pahromam. «My stali Hazaj Jeŭropy. Musulmanie z paleścinskimi ściahami palujuć na habrejaŭ. Ułady buduć pryciahnutyja da adkaznaści za svaju niazdolnaść abaranić hramadzian Izraila», — zajaviŭ jon.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary
I U Jeŭropie, asabliva zachodniaj, VIALIKAJA prablema ź mihrantami z Azii i Afryki, asabliva musulmanami.
II Apošnich dalej baroniać levyja, pad łozunhami pra "rasizm" i tak dalej, a šmatlikija levyja pačali padtrymlivać Paleścinu.
III Varta było b, kab NN aśviatlała taksama naviny, jakija amal štodzionna, pra kryminał z boku musulmanaŭ u Jeŭropie, kab biełarusy zrazumieli prablemu. Ci prynamsi statystyki, jakija pakazvajuć (matematyku ŭžo ciažka budzie nazvać rasisckaj) vialikuju adsotkavuju kolnaść mihrantaŭ nie ź Jeŭropy i kryminału.