Navukoviec nazvaŭ dva rajony Minska, jakija ablubavali kažany
Im padabajecca sialicca ŭ šmatpaviarchovych budynkach. Voś što treba rabić, kali vy sustreniecie kryłatuju žyviołu ŭ svaim domie.
U efiry prahramy «Ź luboŭju pra Minsk» na «Radyjo-Minsk» pra hetych kryłatych žyvioł raspavioŭ Alaksiej Špak, staršy navukovy supracoŭnik NPC NAN pa bijaresursach i zasnavalnik «KažanaPolisa» — adzinaha va ŭsioj Biełarusi centra reabilitacyi kažanoŭ.
U centr pryvoziać kažanoŭ na zimoŭku z usioj krainy. Čaściej za ŭsio kažanoŭ znachodziać uzimku, kali jany znachodziacca ŭ stanie śpiački.
«Jany charčujucca nasiakomymi, a ŭzimku ich niama, tamu myšy źnižajuć tempieraturu cieła i ŭpadajuć u śpiačku. Kali vy vyjavili takoha hościa ŭ «skuranoj kurtcy» na haryščy ci bałkonie, nie vykidajcie jaho na vulicu — žyvioła zahinie», — raspavioŭ Špak.
Najlepš adnieści kažana ŭ centr «KažanaPolis», dzie jaho źmieściać u śpiecyjalny miašočak, jaki padviešvajuć u zvyčajnym bytavym chaładzilniku, pakidajučy spać da viasny. I pryblizna ŭ pačatku krasavika kažanoŭ adpuskajuć nazad u pryrodu. Štohod centr prymaje prykładna 100—150 asobin z usioj Biełarusi.
«Što da stalicy, to tut kažanoŭ čaściej za ŭsio pryvoziać z novabudoŭlaŭ «Minsk Śviet» i «Majak Minska», — paviedamiŭ Alaksiej Špak.
Biełaruskija vidy rukakryłych daŭno i dobra prystasavalisia da žyćcia ŭ haradach — jany lubiać sialicca ŭ šmatpaviarchovych budynkach, załaziačy ŭ ščyliny pamiž bietonnymi pierakryćciami, u pustoty za abšyŭkaj bałkonaŭ. Z-za piarednich kaniečnaściaŭ, jakija pryroda pieratvaryła ŭ kryły, kłasičnyja hniozdy i schoviščy budavać jany nie mohuć.
«Kažany — heta absalutna ŭnikalnyja istoty, jakija znachodziacca pad pahrozaj źniknieńnia, Heta adzinyja sysuny, u jakich kaleni mohuć zhinacca ŭ abodva baki.
I adzinyja, chto zdolny pieranieści šalenstva i akryjać. U hetych žyvioł niama ahresiŭnaj stadyi chvaroby. Tym nie mienš jany mohuć być pieranosčykami šalenstva, tamu, kali vy znajšli kažana ŭ svaim žylli, nie biarycie jaho hołymi rukami: abaviazkova nadzieńcie ščylnyja palčatki», — tłumačyć navukoviec.
U cełym ža kažany nie tolki biaskryŭdnyja dla čałavieka istoty, ale navat karysnyja: jany źjadajuć vializnuju kolkaść nasiakomych, jakija źjaŭlajucca nie tolki škodnikami sielskaj haspadarki, ale i pieranosčykami chvarob.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ5
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1818
Kamientary