Paśla zaŭvahi Łukašenki kałoć drovy daviałosia i siłavikam.
Jak piša telehram-kanał pres-słužby palityka, paśla čempijanata pa kołcy drovaŭ Alaksandr Łukašenka spytaŭ: «Žurnalisty koluć, a čynoŭniki i hienierały — dzie?»
U adkaz na heta niekatorym čynoŭnikam i siłavikam daviałosia sfatahrafavacca na fonie drovaŭ.
«Siońnia vypravilisia», — padpisaŭ fota telehram-kanał Łukašenki.
Na zdymku možna razhledzieć ministra abarony Viktara Chrenina, dziaržsakratara Rady biaśpieki Alaksandra Valfoviča, staršyniu kamiteta Dziaržkantrolu Vasila Hierasimava. U čornym adzieńni z čornaj kiepkaj, mierkavana, kiraŭnik MNS Vadzim Siniaŭski.
Na samim čempijanacie pa kołcy drovaŭ Łukašenka pakazaŭ, možna skazać, śpiektakl. Jon prymusiŭ pracavać kałunami najbližejšych ludziej sa svajho atačeńnia: doktarku Śviatłanu Kanašenka, pres-sakratarku Natallu Ejsmant, sienatara Dźmitryja Baskava (toj načapiŭ čyrvony bombier z nadpisam «SSSR»), biznesoŭca Siarhieja Ciacieryna i mytnicu Uładlenu Zajcavu, jakaja časta źjaŭlajecca pobač ź im u apošnija hady (ciapier pracuje ŭ pryjomnaj Łukašenki).
Kamientary
I stalinskije ŝiepki
Kak rańšie vo vsie storony letiat..."