Chrenin: Łukašenka zahadaŭ uzmacnić hrupoŭki vojskaŭ na miažy z Ukrainaj kala Homiela i Mazyra
Siońnia Łukašenka raskazaŭ pra źniščeńnie pavietranych celaŭ z Ukrainy nad terytoryjaj Biełarusi.
«Hałoŭnakamandujučy ŭzbrojenymi siłami addaŭ ukazańni na ŭzmacnieńnie hrupoŭki vojskaŭ na Homielskim i Mazyrskim taktyčnych kirunkach», — skazaŭ Viktar Chrenin.
Siońnia Łukašenka raskazaŭ pra źniščeńnie pavietranych celaŭ z Ukrainy nad terytoryjaj Biełarusi.
«U 19 hadzin 4 chviliny na vyšyni paŭtara kiłamietra i dalokaści 6,5 km siłami supraćpavietranaj abarony było źniščana niekalki celaŭ nad terytoryjaj Biełarusi. Nočču i siońnia z ranicy adbyvajecca pošuk, što było źniščana. My padazrajom, što heta ŭdarnyja bieśpiłotniki. Parušyŭšy pavietranuju prastoru Biełarusi, lacieli z Ukrainy. Nad terytoryjaj Biełarusi my źniščyli celi. Astatnija byli pieradadzienyja (u nas adzinaje SPA z Rasijaj) Rasijskaj Fiederacyi», — dadaŭ Łukašenka.
Łukašenka raskazaŭ, što Ministerstvu abarony, Hienieralnamu štabu dadzieny daručeńni pravieści adpaviednyja mierapryjemstvy dla taho, «kab nadziejna harantavać biaśpieku dziaržavy».
***
Amal miesiac tamu, 13 lipienia, Łukašenka, naadvarot, davaŭ zadańnie advieści vojski ad ukrainskaj miažy.
«Ciapier u nas uskładnieńniaŭ nijakich niama z ukraincami, i ja spadziajusia, što i nie budzie», — kazaŭ tady Łukašenka. «Nie pavinna być nijakich lišnich mier», — zahadaŭ jon.
Ministerstva abarony 13 lipieny nieadkładna prystupiła da advodu vojskaŭ u miescy pastajannaj dysłakacyi.
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu12
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4848
Kamientary