U kancy leta pasypalisia trahičnyja zdareńni z udziełam biełarusaŭ, vymušanych zarablać za miažoj.
Terakt na Čarkizaŭskim rynku 21 žniŭnia ŭ Maskvie adabraŭ žyćcio 41-hadovaj handlarki z Homielu Iryny Bahamołavaj. U jaje zastałosia dvoje dziaciej. Pradprymalniki Homielu i Miensku pačali zbor srodkaŭ dla siamji zahinułaj.
27 žniŭnia staŭ sapraŭdy čornym dniom dla žycharoŭ Hancavičaŭ: u aŭtamabilnaj katastrofie pad Barysavam zahinuli šeść mužčynaŭ, što viartalisia z zarobkaŭ z Rasiei. Samamu starejšamu było 45 hod. Na momant pachavańnia ŭ Hancavičach prypynili pracu miascovyja pradpryjemstvy. Žałobnaja kalona raściahnułasia amal na kilametar. U Hancavičach heta nia pieršy vypadak, kali pošuki lepšaj doli ŭ Rasiei abaročvajucca trahiedyjaj. Pa słovach miascovych, pracazdolnaje nasalnictva šturchaje za miažu adsutnaść pracy na Radzimie.
U toj ža dzień u Varoniežy čatyry budaŭniki-hastarbajtery ź Biełarusi zvalilisia z ryštavańniaŭ. Adzin ź ich upaŭ z vośmaha pavierchu i na dadzieny momant znachodzicca ŭ ciažkim stanie. Mužčyna, jaki atrymaŭ lohkija paškodžańni, ad špitalizacyi admoviŭsia.
Apošnimi stali hastroli dla 26-hadovaha biełaruskaha akrabata, jaki vypraviŭsia pa zarobak u Irlandyju. Vykonvajučy truk, jon upaŭ z-pad kupału cyrku i byŭ prydušany kanstrukcyjaj, što ŭpała na jaho. Jaho žonka pry hetym złamała ruku. Biełarusy padpracoŭvali ŭ irlandzkaj cyrkavoj trupie "Royal Russian Circus", jakaja nabiraje na letnija hastroli artystaŭ pieravažna z Uschodniaj Eŭropy.
Čaho ž nie žyviecca ludcam u “stabilnaj i kvitniejučaj”, čamu raźvitvajucca z žyćciom na čužynie, a nia ŭ rodnaj chacie? Adsutnaść apłatnaje pracy na Radzimie, panavańnie chamstva i prymusu honiać ludziej u śviet na zarobki.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary