U kafe ŭ Breście naviedvalniki sustreli myš. A jašče adzin niepryjemny siurpryz čakaŭ pad raściahajem
U Breście para vyrašyła schadzić na «Hastrafest» u kafe. Tam ich čakaŭ nie vielmi pryjemny siurpryz (i navat nie adzin). Ale karystalniki tyktoku adnieślisia da situacyi z humaram.
Ciapier u Biełarusi prachodzić čarhovy «Hastrafest». Kafe-ŭdzielniki prapanoŭvajuć naviedvalnikam roznyja sety pa adnolkavym košcie — 43 rubli.
U Breście para vyrašyła pačastavacca stravami ŭ kafe «Niama pytańniaŭ». Tam u set uvachodzić raściahaj maskoŭski, sałata «Mimoza», hrybny sup, katlety «Pažarskija» z bulbianym piure, a na desiert — šakaładnaja kaŭbasa. Hučyć smačna, a na fota vyhladaje jašče lepš. Paviedamlajecca, što ahulnaja vaha straŭ — 1170 hram.
Ale ŭ kafe naviedvalniki niečakana sustreli jašče adnaho hurmana — maleńkuju myš. Taja biehała pobač sa ścianoj, a potym źnikła za adnoj z cahlin — vidavočna, tam u jaje norka.
— Nie baišsia? — pytajecca mužčynski hołas za kadram.
— Kaniešnie, bajusia! — z notkami trahizmu adkazvaje žanočy. — Ašaleć!
Niezapłanavanaja sustreča akazałasia nie adzinym niepryjemnym siurpryzam. Aŭtarka videa pakazała, što ŭ jaje talercy pad tym samym raściahajem maskoŭskim apynulisia niekalki vałasoŭ.
Mienš čym za sutki videa nabrała ŭ tyktoku bolš za 255 tysiač prahladaŭ i kala 6 tysiač łajkaŭ. Ale šmat chto z kamientataraŭ pastaviŭsia da situacyi z humaram.
Žartavali, što para sustreła Remi — hieroja papularnaha animacyjnaha filma: «Multfilm «Ratatuj» nie hladzieli? Dyk pahladzicie i supakojciesia!», «Heta šef-kuchar vyjšaŭ spytać, ci ŭsio vam spadabałasia».
Chtości padtrymaŭ ideju, što myš sapraŭdy pracaŭładkavanaja ŭ kafe: «Heta Barys. Jon pracuje tam samielje zbožžavaj pradukcyi», «Dyk heta štatnaja adzinka. Dehustatar-animatar».
Niechta pasprabavaŭ znajści apraŭdańnie kafe: «Adnapaviarchovy budynak, byłaja «zabroška», byccam by myš. Možna zrazumieć, heta nie prusak. Ale vałasy pad bułkaj — apošniaje, što ja chacieŭ by bačyć».
Byli i tyja, chto paškadavaŭ myš i vykazaŭ spadziavańnie, što hryzuna pakarmili. A samyja vynachodlivyja pabačyli ideju dla startapa: «Myš-kafe. Ci Myškakafe. Kamu jak padabajecca».
Viadomaja vodanapornaja vieža Minska chutka adčynić dźviery. Jak budynak vyhladaje znutry zaraz
«Ja chaču pazbavicca ŭsich klijentaŭ z noŭtbukami!»: uładalnik staličnaj kaviarni padzialiŭsia bolem
«Usie atrymali kuchtaloŭ za afarmleńnie». U Breście zabaranili Chełoŭin va ŭstanovach hramadskaha charčavańnia
Tajvański napoj, jaki spačatku nie spadabaŭsia biełarusam, staŭ papularnym u nas praz 10 hadoŭ
Kamientary