Kiraŭnik Pientahona patłumačyŭ, navošta ZŠA pieradajuć Ukrainie supraćpiachotnyja miny
Ministr abarony ZŠA Łojd Ościn zajaviŭ, što rašeńnie pa adpraŭcy va Ukrainu supraćpiachotnych min pradyktavanaje novaj taktykaj rasijskich vajskoŭcaŭ na froncie, paviedamlaje CNN.
«Jany bolš nie viaduć nastup miechanizavanymi siłami. Jany dziejničajuć z dapamohaj piachoty, jakaja zdolnaja padyści i prakłaści šlach miechanizavanym vojskam», — skazaŭ Ościn žurnalistam padčas svajho znachodžańnia ŭ słužbovaj kamandziroŭcy ŭ Łaosie.
Ościn skazaŭ, što ŭkrainskim vajskoŭcam patrebnaja zbroja, jakaja dapamoža «zapavolić hetyja namahańni».
«Miny, jakija my chacieli b im dać — heta miny, jakija nie źjaŭlajucca minami pastajannaha dziejańnia. Heta značyć, my možam kantralavać, kali jany samaaktyvujucca, samaźniščajucca, i heta robić ich značna bolš biaśpiečnymi», — dadaŭ kiraŭnik Pientahona.
Jon padkreśliŭ, što Ukraina pavinna nieści adkaznaść za ŭlik miescaznachodžańnia hetych min.
Vajskovy ahladalnik Ruskaj słužby Bi-bi-si Ilja Abišaŭ prakamientavaŭ rašeńnie amierykanskaha kiraŭnictva tak:
«Patreby USU ŭ supraćpiachotnych minach abvastrajucca pa miery taho, jak rasijskaje kamandavańnie ŭsio bolš robić staŭku na atakujučyja dziejańni vialikaj kolkaściu žyvoj siły.
Kab utrymlivać pazicyi va ŭmovach kolkasnaj pieravahi praciŭnika, ukrainskaj armii patrabujucca mahutnyja fartyfikacyi na vialikaj praciahłaści linii frontu. Takim čynam, joj treba šmat supraćpiachotnych min — i pakul niezrazumieła, ci zdolny dazvoł Bajdena na ich pastaŭki zakryć deficyt.
Tym bolš što miny — choć i važny, ale nie adziny klučavy elemient supraćpiachotnych zaharod. Da taho ž jany davoli chutka vydatkoŭvajucca — asabliva takija, što sami abiasškodžvajucca, jakija ZŠA majuć namier pieradać Ukrainie».
USU ŭpieršyniu ŭdaryli pa Rasii brytanskimi rakietami Storm Shadow
Zialenski: Ciapier u nas jość ATACMS. My ŭsio heta budziem vykarystoŭvać
«Heta kardynalna mianiaje ŭvieś raskład u viadzieńni bajavych dziejańniaŭ». Što Z-błohiery dumajuć pra ŭdary ATACMS pa Rasii?
Kiepski mir ci zaciažnaja vajna. Jak Ukraina rychtujecca da taho, što Tramp pasprabuje adrazu pasadzić jaje za stoł pieramovaŭ
Džo Bajden uchvaliŭ pastaŭki va Ukrainu supraćpiachotnych min
Vajskoŭcy: Supraćpiachotnyja miny «Lepiestok» niemahčyma raskidvać uručnuju
Kryk dušy Žyhara pra hrupu Kavaleŭskaha: Hučać zajavy, što Łukašenka lehitymny prezident, choć i nie abrany demakratyčna42
Kamientary