Hrodziencu dali čatyry hady za kamientary, sudzili jaho pakazalna pierad studentami
A padčas pasiadžeńnia studentam pračytali lekcyju pra «ekstremizm».
U Hrodnie miascovaha žychara pakazalna sudzili za kamientary i ŭdzieł u pratestach. Miarkujučy pa raskładzie sudoŭ, mužčynu zavuć Dźmitryj Hołub. Jaho zatrymali ŭ sakaviku, piša «Miedyjazona».
Mužčynu abvinavacili ŭ tym, što ŭ 2019—2024 hadach jon pakidaŭ kamientary ŭ internecie, u jakich nibyta abražaŭ Łukašenku, siłavikoŭ i prapahandystaŭ. Akramia taho, mužčynu inkryminujuć udzieł u mirnych akcyjach 2020 hoda.
Pa artykułach ab «raspalvańni varožaści», «abrazie Łukašenki» i «ŭdziele ŭ masavych biesparadkach» abłasny sud prysudziŭ hrodziencu 4 hady kałonii ahulnaha režymu.
Źviartaje na siabie ŭvahu, što sud prachodziŭ pakazalna: na pasiedžańnie pryvieźli studentaŭ HrDU. U pierapynku pierad abviaščeńniem prysudu dla ich pračytali lekcyju ab «ekstremiźmie».
Kamientary