Danyja pra straty Ukrainy atrymać składana — sajuźniki nieachvotna dajuć acenki.
Vydańnie The Economist sa spasyłkaj na danyja zachodniaj raźviedki, pradstaŭnikoŭ abaronnaha viedamstva, infarmacyju z sajta UAlosses pasprabavała acanić kolkaść ukrainskich strat.
Pavodle vydańnia, Ukraina mahła stracić ad 60 da 100 tysiač sałdat zahinułymi, jašče kala 400 tysiač sałdat mahli atrymać ciažkija ranieńni.
Hetyja ličby nie ŭklučajuć zahinułych siarod cyvilnaha nasielnictva, danych pra jakich mała. Ličycca, što zahinuła niekalki dziasiatkaŭ tysiač cyvilnych asob, — dadaje The Economist.
Vydańnie taksama spasyłajecca na danyja UAlosses, pavodle jakich z 2022 hoda zahinuła najmienš 60435 ukrainskich sałdat. UAlosses katałahizuje imiony i ŭzrost zahinułych, što dazvalaje raźličyć straty pa ŭzrostavych hrupach i ŭ pracentnych suadnosinach da mužčynskaha nasielnictva.
«Hetyja ličby śviedčać, što zahinuła bolš za 0,5% davajennaha nasielnictva Ukrainy — mužčyn pryzyŭnoha ŭzrostu (18-49 hadoŭ). Danyja UAlosses nie źjaŭlajucca vyčarpalnymi, i ŭzrost nie ŭsich sałdat viadomy. Realnaja dola mužčyn, jakija zahinuli na vajnie, vyšejšaja. Jašče bolšaja dola tych, chto atrymaŭ zanadta ciažkija ranieńni, kab praciahvać vajavać. Kali vykazać zdahadku, što na kožnaha zahinułaha ŭ bai prypadaje 6—8 ciažkaparanienych, to amal kožny 20-ty mužčyna pryzyŭnoha ŭzrostu zahinuŭ abo atrymaŭ zanadta ciažkija ranieńni, kab praciahvać vajavać», — piša The Economist.
U lutym 2024 hoda prezident Ukrainy Uładzimir Zialenski zajaviŭ, što za čas poŭnamaštabnaha ŭvarvańnia Rasii zahinuli 31 tysiača ŭkrainskich vajskoŭcaŭ.
Što tyčycca rasijskich strat, to, pavodle danych vydańnia, Rasija za hety čas straciła kala 200 tysiač vajskoŭcaŭ zabitymi. U abiedźviuch krainach kolkaść zahinułych u bajach u pracentnych suadnosinach da ahulnaj kolkaści nasielnictva vyšejšaja, čym u ZŠA padčas Vjetnamskaj i Karejskaj vojn razam uziatych.
U listapadzie Wall Street Journal sa spasyłkaj na ananimnych supracoŭnikaŭ zachodniaj raźviedki paviedamiŭ, što da ciapierašniaha času zahinuła kala 200 000 rasijskich sałdat. Pavodle acenak časopisa The Economist, pa stanie na 21 červienia zahinuła 106 000—140 000 rasijskich vajskoŭcaŭ.
Hienštab USU pa stanie na ranicu 27 listapada aceńvaje rasijskija straty ŭ 735 tysiač zabitymi i paranienymi.
Vylecieła ŭ nieviadomym kirunku śpikierka KR Anžalika Mielnikava30
Kamientary
Tiem vriemieniem po Minsku katajutsia avto na ukrainskich nomierach s krasnozielonym na priborkie....