Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach
Były palitviazień Andrej Dźmitryjeŭ dva dni znachodziŭsia ŭ Bierlinie i vioŭ pieramovy ŭ Bundestahu, a taksama pahavaryŭ pa telefonie ź vice-staršynioj Jeŭrapiejskaha parłamienta Katarynaj Barli. Pra heta sam palityk raskazaŭ u svaim błohu ŭ instahramie, piša Reform.news.
U 12-chvilinnaj videaspravazdačy pra pajezdku Dźmitryjeŭ pa sutnaści paŭtaryŭ klučavyja tezisy byłoha kiraŭnika MZS Biełarusi Uładzimira Makieja. Toj u razmovach z zachodnimi partniorami zaŭsiody tłumačyŭ, što narmalizacyja ŭnutranaj situacyi ŭ Biełarusi mahčymaja tolki pry krokach Zachadu nasustrač režymu Łukašenki.
«Heta šlach umacavańnia hetych suviaziaŭ, heta šlach pošuku kantaktaŭ. Razmovy, jakija siońnia vielmi patrebnyja i jakich siońnia vielmi mocna nie chapaje. Zamiest stratehii «ŭsio ci ničoha» patrebna stratehija step by step, «krok za krokam». I hetyja kroki, viadoma, pavinny być zroblenyja abodvuma bakami ŭ bok narmalizacyi», — patłumačyŭ Dźmitryjeŭ.
Vykazaŭsia jon taksama pra mahčymy ŭdzieł Minska ŭ mirnych pieramovach pa spynieńni rasijska-ŭkrainskaj vajny.
«Dla mianie vielmi važna, kab voś hetyja mirnyja pieramovy, jakija rana ci pozna pačnucca, stvaryli novyja instrumienty dla ŭmacavańnia niezaležnaści i suvierenitetu Biełarusi. A pahrozu ja baču ŭ tym, što jany mohuć, naadvarot, zafiksavać, pa sutnaści, što Biełaruś zona ŭpłyvu Rasii, chaj tam Rasija i raźbirajecca. I heta budzie horšy scenar dla nas, biełarusaŭ. A kab tak nie było, treba, kab Biełaruś była pradstaŭlenaja i kab našy intaresy byli pradstaŭlenyja na hetych pieramovach. Tamu my taksama pra heta vielmi šmat havorym», — raskazaŭ Dźmitryjeŭ.
Padvodziačy vyniki razmoŭ u Bierlinie, palityk adznačyŭ try punkty — nieabchodnaść prysutnaści Biełarusi ŭ paradku dnia, umacavańnie suviazi (pa sutnaści — źniaćcie sankcyj) i padtrymka biełarusaŭ unutry krainy.
Paśla praviedzienych sustreč i pieramoŭ Dźmitryjeŭ znoŭ viartajecca ŭ Biełaruś. Vidavočna, hetyja jahony vizit u ciapierašnich umovach nie moh by adbycca biez uchvaleńnia ŭładaŭ u Minsku.
Były palitviazień Andrej Dźmitryjeŭ vyjšaŭ na volu ŭ krasaviku 2024 hoda, całkam adbyŭšy termin u kałonii. Jon byŭ asudžany na 1,5 hoda pazbaŭleńnia voli pa č. 1 art. 342 («Arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich»).
Andrej Dźmitryjeŭ nie bačyć sensu vyłučać demakratyčnych kandydataŭ na prezidenckich vybarach-2025
Sankcyi pierahledzieć, pasłoŭ viarnuć? Što staić za «manifiestam» Andreja Dźmitryjeva
«Dźmitryjevu skazali: «Kali niešta nie toje, adrazu vierniešsia ŭ turmu»
Dźmitryjeŭ prosić viarnuć pasłoŭ u Minsk. «Sankcyi bjuć pa ludziach, a nie pa ŭładzie»
Ciapier čytajuć
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary