Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
1 śniežnia ŭ muziei Janki Kupały pavinna była adkrycca vystava žyvapisu Alesia Sušy. Adnak paśla danosu prarasijskaj aktyvistki Volhi Bondaravaj vystavu admianili.
Vystava «Dobry viečar dobrym ludziam» miełasia pradoŭžycca da 17 studzienia, ale ŭ dzień adkryćcia raptoŭna stała viadoma pra admienu. Pryčyny nie nazyvajucca.
Vierahodna, ruku prykłała danosčyca Bondarava. Jana ŭ sacsietkach zaprašała na adkryćcio HUBAZiK i vykazvała śmiełuju ŭpeŭnienaść, što vystavu pa jaje navodcy zakryjuć.
U dopisach jana abražała mastaka, dziaržaŭny muziej i Ministerstva kultury.
«Nacyscki prychvaścień adkryvaje vystavu ŭ Dziaržaŭnym litaraturnym muziei im. Ja.Kupały. Pry sadziejničańni Ministerstva kultury, suhramadzianie. Bo ŭpeŭnieny, što jamu ničoha nie budzie za padtrymku banderaŭcaŭ, jakija zabivajuć ruskich ludziej u Navarosii. Minkult, ty nievierahodny! Zaprašaju tavaryšaŭ z HUBAZiK naviedać hetaje mierapryjemstva. Tam pavinna być vielmi cikava. Pačatak a 15-j hadzinie, kali nie pamylajusia. Kali nie admieniać», — pisała Bondarava.
U čynoŭnikaŭ Minkulta nie chapiła śmiełaści joj supraćstajać.
Bondarava tryumfuje. Ciapier danosčyca i jaje pastva aburajucca, što na muziei niama šyldaŭ pa-rusku.
«Źviarnicie ŭvahu, suhramadzianie, na movy, jakimi napisana nazva muzieja: heta anhlijskaja i biełaruskaja. Ruskaj niama. Voś taki voś u nas nievierahodna-kałanijalny bilinhvizm, suhramadzianie. Całkam supiarečyć Kanstytucyi krainy. Ale kaho ŭ Minkulcie chvalujuć takija «drobiazi»?» — piša danosčyca.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary