Viadomaja prarasijskaja aktyvistka Volha Bondarava, viadomaja svaimi danosami, hetym razam abrynułasia na muziej Janki Kupały, dzie siońnia, 1 śniežnia, adkryvajecca vystava Alesia Sušy. Bondarava zaprašaje na adkryćcio i HUBAZiK i vykazvaje śmiełuju ŭpeŭnienaść, što vystavu pa jaje navodcy zakryjuć.
Vystava žyvapisu mastaka Alesia Sušy pad nazvaju «Dobry viečar dobrym ludziam!» adkryjecca 1 śniežnia 2024 hoda ŭ 15:00 u Dziaržaŭnym litaraturnym muziei Janki Kupały.
«Vystavačny prajekt ładzicca napiaredadni lubimych navahodnich śviataŭ i achoplivaje ŭsie dni Kaladaŭ. Jaho nazva — tradycyjnyja vitalnyja słovy kaladoŭščykaŭ. Jaho meta — pradstavić daŭnija zvyčai i abrady biełarusaŭ», — piša muziej.
Biełarusafobka Bondarava raspalaje nianaviść, abražajučy mastaka, dziaržaŭny muziej i čaplaje adnym zachadam Ministerstva kultury.
«Nacyscki prychvaścień adkryvaje vystavu ŭ Dziaržaŭnym litaraturnym muziei im. Ja.Kupały. Pry sadziejničańni Ministerstva kultury, suhramadzianie. Bo ŭpeŭnieny, što jamu ničoha nie budzie za padtrymku banderaŭcaŭ, jakija zabivajuć ruskich ludziej u Navarosii. Minkult, ty nievierahodny! Zaprašaju tavaryšaŭ z HUBAZiK naviedać hetaje mierapryjemstva. Tam pavinna być vielmi cikava. Pačatak a 15-j hadzinie, kali nie pamylajusia. Kali nie admieniać», — piša Bondarava, padobna, upeŭnienaja, što vystavu admianiać pa danosie.
Akramia taho, što žančyna raspalvaje antybiełaruskija nastroi ŭ hramadstvie, jana demanstruje stratu ahulnačałaviečych norm marali.
Tak Bondarava zhadvaje niejkuju vystavu biełaruskich mastakoŭ va Ukrainie, siarod jakich byŭ Aleś Puškin.
«Našy vybitnyja malary mastaki-zmaharyšy za našu i vašu admiecilisia ŭ/na Ŭkrainie, u samaj zonie ATO, kudy pajechali, kab akazać padtrymku nacystam-banderaŭcam. <…> Puškin, na ščaście, užo addaŭ kancy. Ale inšyja praciahvajuć žyć», — piša Bondarava.
Bondarava zaklikała pakarać Marzaluka. Ale padviała siabie pad 15 sutak za repost «NN»
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič
«Niejkaja šval u Hrodnie». Marzaluk prajšoŭsia pa Bondaravaj i jaje paplečnikach
«Ucichamirciesia!» Azaronak kinuŭsia abaraniać biełaruskija vulicy ad Bondaravaj. Ale matyvy ŭ jaho svaje
Kamientary