Hałoŭčanka rastłumačyŭ, čamu 3 studzienia nie zrabili vychadnym dniom
Premjer-ministr Raman Hałoŭčanka patłumačyŭ, čamu ŭ Biełarusi vyrašyli nie rabić u studzieni tydniovyja navahodnija kanikuły, abjaviŭšy vychadnym dniom jašče i 3 studzienia.
«Ja heta niejkaj prablemaj naohuł nie liču. Usio ž taki tydzień — praktyčna poŭnaje raschałodžvańnie abo zamarozka ekanomiki. My ciapier nie ŭ tych umovach, kab dazvolić sabie takija doŭhija kanikuły», — skazaŭ Hałoŭčanka ŭ efiry Pieršaha infarmacyjnaha telekanała.
Pry hetym jon źviarnuŭ uvahu, što kožnaje pradpryjemstva maje prava pryniać rašeńnie, jakoje bolš padychodzić dla ich vytvorčych metaŭ.
«Ale dla biudžetnaj śfiery my nie možam zrabić taki pierapynak», — zajaviŭ Hałoŭčanka.
Jon adznačyŭ, što pieršyja dni studzienia — «tak zvanyja zaklučnyja abaroty biudžetu».
«Tam uvohule ledź nie kruhłasutačna ludzi pracujuć, tamu što treba pravieści ŭsie tyja płaciažy, jakija za košt biudžetnych srodkaŭ apłačvajucca», — skazaŭ premjer.
«Znoŭ-taki, z punktu hledžańnia zachavańnia hrafiku pracy i adpačynku, nie vielmi cudoŭna, kali ty spačatku tydzień adpačyvaješ, a potym pracuješ dva tydni zapar z adnym vychadnym», — ličyć jon, padkreśliŭšy, što ŭrad pryniaŭ «samaje zbałansavanaje i aptymalnaje rašeńnie».
Raniej było pryniata rašeńnie, što ŭ Biełarusi buduć vychadnymi dniami 1 i 2 studzienia. Praź dzień budzie jašče čatyry vychadnyja dni zapar — z 4 da 7 studzienia. Pracoŭny dzień z 6 studzienia (paniadziełak) budzie pieraniesieny na 11 studzienia (subota).
U minskich handlovych centrach i kaviarniach ciapier nie buduć uklučać suśvietnyja navahodnija chity. Zatoje dajuć zarabić praŭładnym artystam
Minskija ŭłady pradpisvajuć upryhožvać navahodnija vitryny tolki «elemientami słavianskaha pachodžańnia»
Stała viadoma, kolki sioleta daviadziecca zapłacić za naturalnuju navahodniuju jalinku
Navahodnija kirmašy ŭ Minsku adkryjucca praz dva tydni
U Minsku źjaviłasia kazačna pryhožaja navahodniaja łakacyja
Ciapier čytajuć
Łukašenka svaim ukazam abmiežavaŭ chutkaść elektrasamakataŭ na tratuarach da 10 km/h2
Kamientary