Hetaj rakietaj 21 listapada ŭdaryli pa ŭkranskim horadzie Dniapro.
SBU pakazała žurnalistam reštki rasijskaj rakiety «Arešnik», paviedamiła ahientcva Associated Press.
Abvuhlenyja, źniaviečanyja pravady i korpus rakiety, pamieram ź vialikuju šynu — heta ŭsio, što zastałosia ad zbroi, jakaja moža być abstalavanaja jak zvyčajnymi, tak i jadziernymi bojehałoŭkami.
SBU paćvierdziła, što rakieta była zapuščana z palihona Kapuścin Jar u Astrachanskaj vobłaści Rasii. Za 15 chvilin jana dalacieła da Dniapra.
Rakieta mieła šeść bojehałovak, kožnaja ź jakich niesła šeść subbojeprypasaŭ.
21 listapada Rasija naniesła pa Ukrainie ŭdar rakietami roznaha typu. Heta pradstaŭlajecca jak adkaz na ŭdary USU pa Branskaj i Kurskaj abłaściach z vykarystańniem amierykanskich rakiet ATACMS i brytanskich Storm Shadow. Paźniej Uładzimir Pucin zajaviŭ, što jahonaja armija vyprabavała novuju balistyčnuju rakietu siaredniaj dalokaści, jakuju nazvała «Arešnik», udaryŭšy pa Dniapry.
Ličycca, što Rasija moža mieć tolki niekalki takich rakiet.
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary