MZS Biełarusi zajaviła, što choča ŭdzielničać u mirnych pieramovach pa Ukrainie i atrymać harantyi biaśpieki
Intaresy Minska pavinny być uličany, ličyć namieśnik ministra zamiežnych spraŭ respubliki Juryj Ambrazievič. Jon kaža, što «biełaruski bok z samaha pačatku rabiŭ miratvorčyja kroki pa praduchileńni eskałacyi na Ukrainie».
Biełaruś pretenduje na ŭdzieł u mirnych pieramovach pa Ukrainie, intaresy Minska pavinny być uličanyja. Ab hetym zajaviŭ namieśnik ministra zamiežnych spraŭ Biełarusi Juryj Ambrazievič.
«Biełaruski bok z samaha pačatku rabiŭ miratvorčyja kroki pa praduchileńni eskałacyi va Ukrainie. Tamu my z samaha pačatku zajaŭlali, što pretendujem na miesca za stałom mirnych pieramoŭ pa Ukrainie, kali jany pačnucca. Dla nas važna atrymać harantyi našaj ułasnaj biaśpieki. Finalnyja damoŭlenaści pavinny abaviazkova ŭličvać u tym liku i intaresy biełaruskaha boku», — skazaŭ jon na pasiadžeńni Kansultatyŭnaj rady pa spravach biełarusaŭ zamiežža pry MZS respubliki.
Juryj Ambrazievič zajaviŭ, što Biełaruś «jak nichto inšy» zacikaŭlena ŭ mirnym urehulavańni kanfliktu va Ukrainie, bo situacyja na jaje paŭdniovych miežach vielmi składanaja.
«I na hetym fonie absurdna vyhladajuć abvinavačańni našaj krainy ŭ dapamozie ahresii. Raźmiaščajučysia pa susiedstvie z Ukrainaj, Biełaruś jak nichto inšy zacikaŭlena ŭ najbolš chutkim mirnym urehulavańni hetaha kanfliktu, — skazaŭ jon. — Całkam razumna, što ni adna kraina nie choča, kab la jaje miežaŭ byli ŭzbrojenyja dziejańni».
Miž tym, mienavita praz terytoryju Biełarusi 24 lutaha 2022 hoda Rasija pačała napad na Ukrainu.
-
Jaŭhien Afnahiel raskazaŭ, što było paśla suda, dzie skandavali «Vierym, možam, pieramožam!» I nazvaŭ, chto dla jaho sapraŭdny lidar Biełarusi
-
Jaŭhien Afnahiel: Piać hadoŭ turmy taho kaštavali, tamu što ja bačyŭ Biełaruś svabodnaj
-
«Nabraŭ 6,8 kh za 1,5 miesiaca». Jak i čym kormiać u ofisach IT-kampanij u Biełarusi i za jaje miežami?
Kamientary