МЗС Беларусі заявіла, што хоча ўдзельнічаць у мірных перамовах па Украіне і атрымаць гарантыі бяспекі
Інтарэсы Мінска павінны быць улічаны, лічыць намеснік міністра замежных спраў рэспублікі Юрый Амбразевіч. Ён кажа, што «беларускі бок з самага пачатку рабіў міратворчыя крокі па прадухіленні эскалацыі на Украіне».
Беларусь прэтэндуе на ўдзел у мірных перамовах па Украіне, інтарэсы Мінска павінны быць улічаныя. Аб гэтым заявіў намеснік міністра замежных спраў Беларусі Юрый Амбразевіч.
«Беларускі бок з самага пачатку рабіў міратворчыя крокі па прадухіленні эскалацыі ва Украіне. Таму мы з самага пачатку заяўлялі, што прэтэндуем на месца за сталом мірных перамоў па Украіне, калі яны пачнуцца. Для нас важна атрымаць гарантыі нашай уласнай бяспекі. Фінальныя дамоўленасці павінны абавязкова ўлічваць у тым ліку і інтарэсы беларускага боку», — сказаў ён на пасяджэнні Кансультатыўнай рады па справах беларусаў замежжа пры МЗС рэспублікі.
Юрый Амбразевіч заявіў, што Беларусь «як ніхто іншы» зацікаўлена ў мірным урэгуляванні канфлікту ва Украіне, бо сітуацыя на яе паўднёвых межах вельмі складаная.
«І на гэтым фоне абсурдна выглядаюць абвінавачанні нашай краіны ў дапамозе агрэсіі. Размяшчаючыся па суседстве з Украінай, Беларусь як ніхто іншы зацікаўлена ў найбольш хуткім мірным урэгуляванні гэтага канфлікту, — сказаў ён. — Цалкам разумна, што ні адна краіна не хоча, каб ля яе межаў былі ўзброеныя дзеянні».
Між тым, менавіта праз тэрыторыю Беларусі 24 лютага 2022 года Расія пачала напад на Украіну.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў5
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары