U Biełaruś pryjechała ŭ dva razy bolš pracoŭnych mihrantaŭ, čym letaś. Jakaja kraina ŭ lidarach?
U asnoŭnym mihranty ŭładkoŭvajucca na pracoŭnyja śpiecyjalnaści.
U 2024 hodzie ŭ Biełarusi znajšli pracu kala 28,5 tysiačy pracoŭnych mihrantaŭ. Heta ŭ dva razy bolš, čym było ŭ 2023-m.
Bolš za ŭsio pryjechała hramadzian Turkmienistana — kala 12,5 tysiačy. Pracujuć u Biełarusi taksama mihranty z Rasii, Ukrainy, Kitaja i krain Afryki, paviedamlaje STV.
Usiaho ŭ Biełarusi pracujuć bolš za 60 tysiač inšaziemcaŭ z bolš čym 130 krain. Rost kolkaści pracoŭnych mihrantaŭ źviazany sa źmienami zakanadaŭstva.
Jak paviedamili ŭ MUS, 70% pracoŭnych mihrantaŭ — heta inšaziemcy, jakija pracujuć u sproščanym paradku. Heta značyć najmalnik nie atrymlivaje ŭ dačynieńni da ich u padraździaleńni hramadzianstva i mihracyi śpiecyjalny dazvoł na prava zajmacca pracoŭnaj dziejnaściu.
U asnoŭnym mihranty ŭładkoŭvajucca na rabočyja śpiecyjalnaści. Kala paŭtary tysiačy čałaviek zajmajuć kiraŭničyja pasady. Samyja raspaŭsiudžanyja śfiery: pramysłovaść, budaŭnictva, transpartnaja halina i handal.
Ciapier čytajuć
Jaŭhien Afnahiel raskazaŭ, što było paśla suda, dzie skandavali «Vierym, možam, pieramožam!» I nazvaŭ, chto dla jaho sapraŭdny lidar Biełarusi1
Kamientary
Skazki nie rasskazyvaj. Eti 200 tys tolko sidieli i ždali, čtoby svaliť. Nikto vozvraŝaťsia dažie nie dumajet. V Litvie po oficialnoj statistikie pravitielstva političieskich mieńšie 15% ot obŝieho čisła. Ostalnyje - iskatieli krasivoj žiźni i hastiery.