Mark Formelle vypuściŭ kalandar u styli aŭstralijskich pažarnych
Brend adzieńnia Mark Formelle jašče ŭ pačatku listapada abviaściŭ konkurs pryhažości dla mužčyn.
Šukali «charyzmatyčnaha, spartyŭnaha i ŭpeŭnienaha ŭ sabie». Pieramožca stanie hałoŭnym hierojem novaj rekłamnaj kampanii, a astatnich finalistaŭ zaprasili na fotasiesiju dla kalendara ŭ styli aŭstralijskich pažarnych, piša Onliner.by.
Kab uziać udzieł u konkursie, patencyjnym udzielnikam treba było raźmiaścić fota z peŭnym chešteham. Finalistaŭ vybirali z dapamohaj hladackaha hałasavańnia.
U vyniku 12 mužčyn sfatahrafavalisia razam z chatnimi hadavancami — katami, sabakami i navat ślimakom. Na zdymkach jany pazirujuć u nižniaj bialiźnie, pižamach i škarpetkach. Nichto ź finalistaŭ nie źjaŭlajecca prafiesijnaj madellu. Siarod ich jość ratavalnik, pažarny, budaŭnik i spartsmien.
Kalandar stanie dastupny napiaredadni Novaha hoda. Atrymać jaho ličbavuju viersiju možna budzie na aficyjnym sajcie brenda.
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii2828
Kamientary