Vuličny handal rečami sa zharełaha HC «Biełaruś» u Viciebsku zabaranili paśla skarhi
Pra toje, što ŭ Viciebsku paśla skarhaŭ zharnuli handal rečami sa zharełaha HC «Biełaruś», jakija pradavali prosta na vulicy, paviedamili ŭ tyktok-akaŭncie vitebsk.live.
Aŭtar akaŭnta raskazaŭ, što kali jon pryjechaŭ na miesca handlu, to akazałasia, što jaho tam užo zharnuli.
«Ja pahutaryŭ z pradaŭcami — jany skazali, što ludzi paskardzilisia, niešta nie spadabałasia», — paviedamiŭ tyktokier.
Spačatku pradprymalniki nibyta čakali, što im daduć dazvoł na rasprodaž zadymlenaha tavaru, adnak u vyniku im heta rabić zabaranili, bo «jość mierkavańnie, što heta niebiaśpiečna — handlavać takoj pradukcyjaj paśla pažaru».
Raniej mierkavałasia, što «dymny kirmaš» praciahniecca 6 dzion.
Nahadajem: bujny pažar u HC «Biełaruś» u Viciebsku adbyŭsia ŭviečary 13 śniežnia. Pažarnyja tušyli jaho niekalki hadzin.
Ahulnaja kolkaść paciarpiełych skłała 20 čałaviek. Abhareły budynak u centry horada, chutčej za ŭsio, adnaŭlać nie buduć, a prosta źniasuć.
Papiaredniaj pryčynaj pažaru nazvali niajakasna zroblenuju pravodku, niaspraŭnaść jakoj pryviała da pierahruzki sistemy i karotkaha zamykańnia.
Ci dapamohuć ułady pradprymalnikam, jakija paciarpieli ad pažaru, nie vielmi zrazumieła. Staršynia Viciebskaha abłvykankama Alaksandr Subocin u efiry telekanała ANT kazaŭ, što «chaciełasia b dapamahčy tym, chto ŭ hetym realna maje patrebu», ale pry hetym abvinavaciŭ pradprymalnikaŭ u pierabolšvańni nastupstvaŭ pažaru.
«Hrabuć vazkami». U Viciebsku pradprymalniki sa zharełaha handlovaha centra pradajuć vyratavany tavar na vulicy
«Skrali try partsihary, try kurtki». Viciebski hubiernatar abvinavaciŭ pradprymalnikaŭ u pierabolšvańni nastupstvaŭ pažaru
MNS: Uładalnik zharełaha HC u Viciebsku nie likvidavaŭ raniej vyjaŭlenyja parušeńni
«Hetaja krama — moj adziny biznes». Što havorać rabotniki handlovaha centra, jaki na tym tydni zhareŭ u Viciebsku
Nazvali papiaredniuju pryčynu pažaru ŭ viciebskim HC «Biełaruś»
Kamientary
Ale kali im samym prylataje praz malum prohibitum statutaŭ (jakija samyja ž dapamahajuć pisać i ściskać miežy dazvolenaha) dabrasumlennych pavodzinaŭ źniavolenaha, pačynajuć niezadavolena viščeć