Rasijski šachmatyst praspaŭ i nie trapiŭ u płej-of čempijanatu śvietu pa blicy
Daniił Dubaŭ atrymaŭ techničnuju parazu na čempijanacie śvietu pa blicy za propusk partyi z amierykancam Chansam Nimanam. Jon patłumačyŭ svaju niajaŭku sindromam chutkaj źmieny pajasoŭ padčas pieralotu, piša Championat.com.
Dzianis Dubaŭ. Fota: pres-słužba FIDE
«Ja pajšoŭ u hatel, zatym viarnuŭsia i paviedamiŭ, što praspaŭ. Što ja jašče pavinien skazać? Kali ty nie idyjot, to, kali zdarajecca niešta padobnaje, razumieješ, što adbyłosia. Ja pieršy raz u ZŠA, vielmi składana kantralavać džetłah (źmienu pajasoŭ)», — pryvodzić słovy Dubava Take Take Take.
Dubaŭ zaniaŭ 10-je miesca pa vynikach 13 turaŭ papiaredniaha raŭndu i nie zmoh vyjści ŭ płej-of. Pry hetym jon nabraŭ identyčnuju z udzielnikami płej-of kolkaść bałaŭ (9,5), adnak sastupiŭ pa dadatkovych pakazčykach.
Kamientary