Letaś zavod pradaŭ u paŭtara raza bolej mašyn, čym u papiarednim hodzie.
U 2024 hodzie zavod «BiełDžy» vypuściŭ 91 500 mašyn. Ź ich 25 tysiač pradali ŭ Biełarusi, astatnija źjechali ŭ Rasiju, raskazaŭ dyrektar zavoda Hienadź Śvidzierski ŭ intervju av.by.
Jon ličyć minuły hod paśpiachovym.
«My naraścili abjomy prodažaŭ amal u paŭtara raza, u sałonach pradstaŭleny praktyčna ŭsie dastupnyja kamplektacyi našych madelaŭ, u toj čas jak u 2023-m, pryznajusia, pakupnikam davodziłasia miesiacami čakać zamoŭlenych mašyn.
I tut jość cikavy momant: my značna naraścili prodažy, ale ŭ 2024-m dola prodažaŭ «BiełDžy» zajmaje krychu bolš za 50% na ŭnutranym rynku, a letaś jana składała 70%».
Vialikaja dola mašyn z kanviejera «BiełDžy» i raniej išła ŭ Rasiju (u 2023-m pradpryjemstva vyrabiła 68 tysiač aŭto, 52 tysiačy ź ich adpraŭlenyja ŭ Rasiju). Ale Śvidzierski adznačaje, što ŭ listapadzie i śniežni jany nazirajuć źnižeńnie abjomaŭ prodažaŭ u Rasii.
«U pracentnych vyražeńni heta prykładna minus 20-30%. Adznaču, što padzieńnie fiksujecca praktyčna pa ŭsich brendach. U hetaha pracesu jość fundamientalnyja pryčyny. Adna ź ich — pavieličeńnie utylzboru ŭ RF. Jano stymulavała dadatkovy ŭvoz zamiežnych aŭtamabilaŭ. Nakolki mnie viadoma, tam nazapasilisia sotni tysiač nierealizavanych aŭto, jakija impartavalisia ŭ terminovym paradku da pavyšeńnia stavak.
Rezkaje pavieličeńnie klučavoj staŭki Centrabanka vyklikała dysbałans: mašyn zavieźli šmat, a prybytkovaść tych, chto raźličvaŭ zakryć hetyja kamiercyjnyja ŭhody, upała. Da hetaha dadałasia jašče i niaŭpeŭnienaść kančatkovych pakupnikoŭ: moža, lepš hrošy pakłaści na depazit, tamu što potym aŭtadylery ŭsio roŭna buduć sprabavać zbyć pradukcyju i źniziać ceny?
Zaraz my pastaŭlajem na rasijski rynak tolki ajčynnuju marku BG (našy mašyny realizujuć bolš za 140 dyleraŭ), uvachodzim tam u šaściorku lidaraŭ pa prodažach».
U 2025-m zavod spadziajecca pradajuć u Biełarusi 30 tysiač aŭto.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie5
Kamientary