Košku zabylisia ŭ samalocie, i jana za sutki zrabiła try pieraloty
Koška, jakuju zabylisia ŭ samalocie, na praciahu sutak ździejśniła try pieraloty pamiž Novaj Ziełandyjaj i Aŭstralijaj, piša Bi-bi-si.
Mitens, vaśmihadovaja koška parody mejn-kun, lacieła z novaziełandskaha horada Krajstčerč u aŭstralijski Mielburn 12 studzienia, ale jaje kletku pakinuli ŭ hruzavym adsieku samalota Air New Zealand.
Paśla trochhadzinnaha čakańnia ŭ aeraporcie Mielburna piersanał aeraporta paviedamiŭ uładalnicy koški Marho Nieas, što samalot ź Mitens užo viarnuŭsia ŭ Novuju Ziełandyju.
Nieas raskazała, što padčas palotu ŭklučyli aciapleńnie, tamu košcy było dastatkova kamfortna. Žyviolinu, jakaja schudnieła, ale zastałosia cełaj, paźniej znoŭ dastavili ŭ Mielburn, dzie jana ŭźjadnałasia sa svajoj uładalnicaj.
Incydent usio jašče rasśledujecca, ale, jak paviedamlajecca, nasilščyk moh nie zaŭvažyć kletku Mitens z-za kołavaha kresła, jakoje jaje zakryła. Air New Zealand vybačyłasia za situacyju i paabiacała pakryć usie vydatki.
Pieralot u adzin bok pamiž Krajstčerčam i Mielburnam zvyčajna zajmaje mienš za čatyry hadziny.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary