Pry kancy 2002 h. Instytut movaznaŭstva imia Jakuba Kołasa NARB užo byŭ padrychtavaŭ prajekt źmienaŭ u biełaruskim pravapisie, ale tady jon tak i nia byŭ zaćvierdžany A.Łukašenkam. Jakija źmieny prapanoŭvaŭ toj prajekt?
Samaj adyjoznaj źmienaj vyhladała abaviazkovaje napisańnie słova «prezydent» ź vialikaj litary. Heta vyklikała mnostva aburanych vodhukaŭ z boku niezaležnaha hramadztva.
Taksama mierkavałasia pašyryć vykarystańnie «akańnia» i «jakańnia» jak u biełaruskich, hetak i ŭ zapazyčanych słovach. Naprykład, «sjamnaccać», «kampjutar», «lidar». Musili amal całkam źniknuć spałučeńni «io/yo», zamiest jakich va ŭžytku pašyralisia «ijo/yjo» (ciapier ad hetaj idei admovilisia, chiba dziela taho, što heta pavialičvała adroźnieńnie biełaruskaj movy ad rasiejskaj).
Adnym z punktaŭ taho prajektu było źniknieńnie praviłaŭ pieranosu, bo ich, na dumku movaznaŭcaŭ, praciahvajuć trymacca tolki školniki dy aŭtary padručnikaŭ.
Miełasia pašyrycca ŭžyvańnie litary «ŭ» u takich vypadkach, jak, naprykład, «va ŭniviersitecie». Ale całkam admaŭlałasia vykarystańnie vialikaj litary «Ŭ».
Dumałasia krychu pašyryć napisańnie litary «e» ŭ słovach inšamoŭnaha pachodžańnia: «seks».
Toj prajekt absalutna nie prymaŭ užytak miakkaha znaku, jaki staŭsia hałoŭnym punktam adroźnieńnia pamiž dvuma pravapisami. Raspracavany jon byŭ niadaŭna pamierłym eks-dyrektaram Instytutu movaznaŭstva Alaksandram Padłužnym.
Toj varyjant źmienaŭ pravapisu nia trapiŭ na razhlad hramadzkaści. Padłužny mierkavaŭ, što niemetazhodna prajekt abmiarkoŭvać z usimi, dastatkova tolki mierkavańniaŭ «specyjalistaŭ». Vidavočna, što padobnaje moža adbyvajecca i ciapier.
Niezaležnyja vydańni, jakija drukujucca taraškievicaj, tady byli nadzvyčaj zakłapočanyja, što ich prymusiać vychodzić aficyjnaj normaj pravapisu. Hetaha nia zdaryłasia ŭ 2003 h. Što ž budzie praz try z pałovaj hady?
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ25
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary