U Viciebsku pierajmienavali fakultet, nazvu jakoha Łukašenka nazvaŭ «maciernaj»
Fakultet Viciebskaha dziaržaŭnaha ŭniviersiteta z «nieprystojnaj» nazvaj pierajmienavali, piša telehram-kanał «Viciebsk, ja hulaju».
U vieraśni minułaha hoda padčas vizitu ŭ VDU Alaksandr Łukašenka nie zmoh vymavić słova «humanitarystyka» ŭ naźvie adnaho z fakultetaŭ — humanitarystyki i moŭnych kamunikacyj. Tady jon nazvaŭ hetaje słova maciernym.
«Fakultet humanitarystyki i moŭnych kamunikacyj. Voś hetaje maciukalnaje słova jak razumieć?» — spytaŭ tady Łukašenka.
Rektar skazała, što słova prydumali fiłołahi. Łukašenka paprasiŭ namieśnika svajoj administracyi Uładzimira Piarcova rastłumačyć, što heta takoje.
«Heta tyja, chto z dapamohaj moŭnych navykaŭ, humanitaryi, vybudoŭvajuć kamunikacyju. Ja tak razumieju», — nie zusim upeŭniena patłumačyŭ hałoŭny ideołah krainy.
Ciapier heta padraździaleńnie pierajmienavana ŭ fakultet humanitarnych viedaŭ i kamunikacyj.
Pierajmienavańnie adbyłosia jašče 27 vieraśnia 2024 hoda, praz try tydni paśla vizitu Łukašenki.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1313
Kamientary