Jaho sprabavali pradać biez aŭkcyjonu prykładna z kastryčnika 2024 hoda, ale zaraz placoŭka ZAT «Biełrealizacyja» vystaviła jaho na adkrytyja tarhi ŭ sakaviku, płanujučy atrymać kala $9 młn.
Pieramožca aŭkcyjonu atrymaje 100%-nuju dolu ŭ statutnym kapitale TAA «Hruzavaja słužba — Uschod», jakomu naležyć były aŭtarynak. Startavaja cana — 29 448 600 rubloŭ, piša Office Life.
Adnak jość niuans: razam z aktyvami novy ŭłaśnik atrymaje i finansavyja abaviazacielstvy — niekalki źviazanych ździełak z bankami (Śbier Bank i Biełahraprambank), jakim papiaredni ŭładalnik zavinavaciŭsia 7,8 młn rubloŭ. Atrymanaja ad prodažu suma pojdzie na pahašeńnie hetych daŭhoŭ.
Sam aŭtarynak uklučaje 102 abjekty nieruchomaści na terytoryi bolš za 25 ha, a taksama ŭsie inžyniernyja kamunikacyi. Tarhi pryznačanyja na 18 sakavika.
Raniej hety samy bujny ŭ Biełarusi aŭtarynak naležaŭ ZAT «Handlovy śviet — Kalco» biznesmiena Juryja Aviarjanava. U 2023 hodzie hetaja kampanija była likvidavana pa rašeńni suda.
Sam Aviarjanaŭ źjechaŭ za miažu paśla taho, jak u Biełarusi suprać jaho raspačali kryminalnuju spravu.
Kamientary