Prapahandysty pakazali pamiežnika, adkaznaha za propusk rasijskaj armii va Ukrainu
U homielskaj rajoncy «Majak» vyjšła intervju z «najlepšym» načalnikam adździaleńnia pamiežnaha kantrolu Homielskaj pamiežnaj hrupy majoram Alaksandram Smalakom. Pavodle infarmacyi vydańnia «Fłahštok», Alaksandr Smalak u 2022 hodzie źjaŭlaŭsia namieśnikam načalnika adździaleńnia pamiežnaha kantrolu «Novaja Huta», jahonym načalnikam byŭ padpałkoŭnik Kryšnioŭ Kirył Stanisłavavič.
U intervju major Smalak adznačaje tolki humanitarnyja aśpiekty dziejnaści piersanału pamiežnaha pierachoda:
«U samym pačatku rasijskaj śpiecyjalnaj vajskovaj apieracyi va Ukrainie praz naš punkt propusku z sumiežnaha boku prachodziła vialikaja kolkaść ukrainskich hramadzian, jakija šukajuć u Biełarusi prytułku i abarony. Usim im akazvałasia dapamoha, davalisia nieabchodnyja pradukty charčavańnia, vada i miedykamienty. Prosta kala punkta propusku była raźmieščanaja pałatka Čyrvonaha Kryža, dzie ŭvieś čas pracavali vałanciory», — paviedamiŭ pamiežnik.
Pry hetym jon maŭčyć pra toje, što piersanał pamiežnaha pierachodu «Novaja Huta» prapuskaŭ ukraincaŭ, uziatych u pałon rasijanami, a taksama pra «trafiei» rasijskaj armii — kradzienyja pradmiety i aŭtamabili, jakija nie padlahali afarmleńniu i ŭvozilisia na terytoryju Biełarusi bieśpieraškodna.
Taksama pamiežnik ničoha nie raskazaŭ pra propusk kałon vajskovaj techniki praz susiednija punkty sproščanaha pamiežnaha kantrolu: mienavita praź ich va Ukrainu bieśpieraškodna zajazdžali habarytnyja tanki, BTRy i BMP.
«Nie dajcie šancu «ruskamu miru» praraści ŭ vas». Cichanoŭskaja źviarnułasia da biełarusaŭ z nahody hadaviny vajny va Ukrainie
ZŠA hałasavali ŭ AAN pa rezalucyi nakont vajny va Ukrainie razam z Rasijaj i Biełaruśsiu
Da treciaj hadaviny vajny va Ukrainie ŭ rasijskim internecie ŭpieršyniu źjaviŭsia antyvajenny rolik
Stała viadoma pra 45 rasijskich hienierałaŭ, jakija lačylisia ŭ špitalach z pačatku vajny, u tym liku ŭ Biełarusi
Roŭna try hady tamu pačałosia poŭnamaštabnaje ŭvarvańnie Rasii va Ukrainu. Jak źmianiłasia Ukraina za hety čas
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary