«Hłavnoje»: chto staić za najbolšaj sietkaj rehijanalnych telehram-kanałaŭ Biełarusi. Jaje ślady viaduć u Rasiju

Jak źjaviłasia sietka kanałaŭ i što saboj ujaŭlaje?

Heta sietka kanałaŭ u Telegram i «Ukantakcie». Na siońnia ŭ telehramie jany majuć 7 kanałaŭ, va «Ukantakcie» — 21 supołku. U supołkach vielmi roznaja kolkaść ludziej, ad dziasiatkaŭ da sotniaŭ tysiač.

Pavialičyć

Niekatoryja supołki «Ukantakcie» byli pierakuplenyja ŭ inšych ludziej «pad kluč». Heta bačna pa datach ich pierajmienavańnia — jak z hrodzienskaj supołkaj.

Pavialičyć

Z časam u sietki «Hłavnoje» źjaviŭsia i sajt. Damien zarehistravany 30 sakavika 2023 hoda, ale pieršyja naviny tam pačali źjaŭlacca ŭ lutym 2025 hoda. Tam ciapier dva aŭtary — «Hanna Chanieckaja» i «Janocik».

Pavialičyć

Admietna, što prajekt vykupiŭ usie imiony karystalnikaŭ dla abłasnych haradoŭ Biełarusi. To-bok pa imieni karystalnika @brest u Telegram adkryjecca kanał ź sietki «Hłavnoje».

Samy bujny z telehram-kanałaŭ — minski — maje amal 127 tysiač padpisčykaŭ. Na rehijanalnych — ad 30 da 54 tysiač.

Pra što jany pišuć?

Ahułam naviny vyhladajuć niejtralnymi, ale pieryjadyčna sustrakajucca prarasijskija naratyvy. U kanałach niama ničoha biełaruskaha nacyjanalnaha.

Voś, naprykład, na kanale vinšujuć Łukašenku z dniom narodzinaŭ, asabliva adznačajučy, što jaho pavinšavaŭ Pucin.

Pavialičyć

A voś rekłama inšaha kanała, dzie padkreślivajecca, što «Rasija i Biełaruś — dźvie siastry».

Pavialičyć

U asnoŭnym prajekt publikuje naviny pra žyćcio i rekłamu. U śpisie MUS kanał nazyvali «niezaležnym» — značyć, chutčej za ŭsio, sietka nie źviazanaja ź dziaržaŭnymi miedyja.

Jak jany zarablajuć?

Usio prosta — na rekłamie. U telehram-kanale «Minsk. Hłavnoje» rekłama kaštuje 400 rubloŭ. U homielskaj supołcy — 260 rubloŭ, u viciebskaj — 220 rubloŭ, u hrodzienskaj, bresckaj i mahiloŭskaj — pa 150 rubloŭ. Adrekłamavacca va ŭsioj sietcy adnačasova kaštuje 1200 rubloŭ.

Va «Ukantakcie» prajsy bolš ścipłyja — ad 10 da 25 rubloŭ.

Supracoŭničajuć jany i z «Jandeksam», jaki ciapier prapanuje rekłamavacca ŭ ich roznym telehram-kanałam.

Chto moža mieć dačynieńnie da sietki «Hłavnoje»?

Da rekłamnaha akaŭnta sietki pryviazany rasijski numar 79******778. Pa im «bjecca» niekalki čałaviek, my raskažam pra ich padrabiaźniej.

Adzin z tych, chto maje dačynieńnie da «Hłavnoho», — biełarus z rasijskim pašpartam Maksim Vajciankoŭ. Da numaru pryviazanyja jahonyja novyja sacsietki, stvoranyja paśla 2022 hoda.

Heta 43-hadovy ŭradženiec Mahilova, jaki maje taksama rasijskaje hramadzianstva. Pa źviestkach prajekta Digital Intelligence Team, u Biełarusi jon pracavaŭ na «Mahiloŭliftmašy», a paśla 2006 hoda vyjechaŭ u Rasiju.

Pavialičyć

Tam jon pracavaŭ u strukturach urada Maskvy jak minimum z 2011 hoda. U 2012-m Vajciankoŭ zajmaŭ pasadu viadučaha śpiecyjalista rajona va Upravie Sakalinaja hara. U 2014-m — u Hałoŭnym kantrolnym upraŭleńni Maskvy.

Z 2016 pa 2020 hady ŭznačalvaŭ Dziaržaŭnuju biudžetnuju ŭstanovu «Žyllovik rajona Mietroharadok». Paśla, ź vieraśnia 2020 pa sakavik 2021, — Dziaržaŭnuju biudžetnuju ŭstanovu «Žyllovik rajona Izmajłava».

Paśla jon pierajšoŭ pracavać u ahienctva markietynhavych kamunikacyjaŭ EMG (emg.ru). Čym jon zajmaŭsia ŭ 2022 hodzie, dakładna nieviadoma.

U 2023 hodzie Vajciankoŭ zaniaŭsia ŭłasnym biznesam. Śfierami dziejnaści jaho IP paznačanyja:

• Dziejnaść rekłamnych ahienctvaŭ,
• Raspracoŭka kampjutarnaha prahramnaha zabieśpiačeńnia,
• Kansultacyjnaja dziejnaść i raboty ŭ halinie kampjutarnych technałohij,
• Dziejnaść, źviazanaja z vykarystańniem vyličalnaj techniki i infarmacyjnych technałohij, inšaja,
• Dziejnaść pa apracoŭcy danych, pradastaŭleńnie pasłuh pa raźmiaščeńni infarmacyi i źviazanaja z hetym dziejnaść,
• Dziejnaść pa stvareńni i vykarystańni baz danych i infarmacyjnych resursaŭ,
• Dziejnaść web-partałaŭ,
• Pradstaŭleńnie ŭ srodkach masavaj infarmacyi,
• Daśledavańnie kanjunktury rynku i vyvučeńnie hramadskaj dumki.

Pavialičyć

Taksama jon zaniaŭsia budaŭničym biznesam. U sakaviku 2024 hoda Vajciankoŭ pierakupiŭ maskoŭskuju firmu «Hrandbud», asnoŭnaj dziejnaściu jakoj paznačanaje budaŭnictva i absłuhoŭvańnie damoŭ. Numar, da jakoha pryviazany rekłamny akaŭnt sietki kanałaŭ «Hłavnoje», dahetul prabivajecca jak kantaktny ŭ firmie «Hrandbud»

Jašče adzin biznes Vajciankova — firma, jakaja prymaje ludziej na pracu. Admietna, što jana nazyvajecca «Hałoŭnaje kadravaje ahienctva», akurat jak sietka kanałaŭ «Hłavnoje» («Hałoŭnaje»). «Hałoŭnaje kadravaje ahienstva» šukaje ludziej na rabočyja śpiecyjalnaści, a taksama dapamahaje arhanizacyjam z vajskovym ulikam.

Pa tym ža numary prabivajecca 61-hadovy rasijanin Viktar Kraciuk, kolišni kaleha Vajciankova pa pracy ŭ biudžetnych upraŭleńniach rajonaŭ Uschodni, Mietraharadok i Izmajłava. Ale jon karystaŭsia hetym numaram da 2022 hoda. Da vieraśnia 2024 hoda Kraciuk taksama kiravaŭ budaŭničaj firmaj «Arm Stroj». 

Numar, na jaki zarehistravany kantaktny numar sietki «Hłavnoje», dahetul bjecca jak kolišni kantaktny numar u budaŭničaj firmie «Arm Stroj». Ciapierašni hiendyrektar «Arm Stroja» — Vadzim Popiel, 45-hadovy ŭradženiec Mahilova. Da 2015 hoda jon pracavaŭ u Biełarusi, u chołdynhu «Siervaluks-Arha». Heta bujny ahrapramysłovy chołdynh, jaki pracuje na rynkach Biełarusi, Rasii i krain Azii.

Pavialičyć

Popiel pakidaŭ kamientary pad publikacyjami ŭ mahiloŭskim kanale sietki «Hłavnoje» sa svajho telehram-akaŭnta.

Jašče adzin čałaviek, jaki vioŭ kanał — Jahor Ziemlakoŭ z Rasii. Jamu 24 hady. Jon rodam z Kastramy, ale vučyŭsia i žyŭ jon doŭhi čas u Jarasłaŭli.

Pavialičyć

U 2023-m jon byŭ adkaznym za pošuk rekłamnych mieniedžaraŭ dla ŭsioj supołki.

Pavialičyć

• 1
• 0
• 1
• 0
• 1
• 0
• 3
• 0