Na dziaržaŭnym TB davodziać, što mihranty ŭ Biełarusi dyscyplinavanyja, a taksistaŭ-zamiežnikaŭ niašmat
Alaksandr Łukašenka niadaŭna padpisaŭ ukaz ab pavyšeńni roli najmalnikaŭ pry pryjomie na pracu zamiežnikaŭ. Najmalniki pavinny kantralavać žyćcio takich rabotnikaŭ — až da taho, ci paradak u kvatery. Na dziaržaŭnym TB ciapier davodziać, što ŭsio zamiežniki ŭ krainie — vielmi dyscyplinavanyja.
Ź listapada minułaha hoda ŭ Biełarusi dziejničaje adziny rejestr pieravozčykaŭ. U Mahiloŭskaj vobłaści aficyjna taksistami zarehistravalisia zvyš 2000 čałaviek. Siarod ich tolki dziasiatak zamiežnikaŭ: rasijanie, turkmieny, italjaniec. U 2024 hodzie zamiežnyja taksisty ŭ Mahilovie stali vinoŭnikami tolki adnaho DTZ, raskazvajuć u siužecie STB.
Dniami transpartnaja inśpiekcyja ŭ Mahilovie ŭpieršyniu za hod spyniła taksista-mihranta — hramadzianina Turkmienistana. Pryčyny — adsutnaść siertyfikata ab navučańni, strachoŭki i apaznavalnych «šašačak». Kiroŭca atrymaŭ papiaredžańnie, a jaho pracadaŭca — štraf u 300 bazavych vieličyń.
Treba adznačyć, što minčuki kazali pra toje, što taksistaŭ-zamiežnikaŭ u apošni hod paboleła.
U siužecie raskazvajuć pra niekatorych zamiežnikaŭ, jakija pracujuć u Mahilovie taksistami. Adzin ź ich — z Hruzii i žyvie ŭ našaj krainie z 2000 hoda. Inšy — Amos Apanurom — maje nihieryjskija karani. Jon žyvie ŭ Biełarusi 35 hadoŭ. Žonka — biełaruska. Troje dziaciej i dvoje ŭnukaŭ. Pracuje budaŭnikom i taksistam.
«Ź inšych krain ja nie baču. Ja pakul adziny taki tut. Ja adčuvaju siabie dobra. Ź lubym biełarusam my zaŭsiody znojdziem ahulnuju movu, jakija b ni byli abstaviny, u mianie da ich naohuł pretenzij, pytańniaŭ niama», — raskazaŭ jon.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary