Zasnavalnik Google Siarhiej Bryn zaklikaŭ supracoŭnikaŭ pracavać pa 60 hadzin u tydzień
Miljarder nazvaŭ 60 pracoŭnych hadzin u tydzień «załatoj siaredzinaj efiektyŭnaści».
Adzin z zasnavalnikaŭ Google Siarhiej Bryn zaklikaŭ supracoŭnikaŭ, jakija pracujuć nad madelami štučnaha intelektu Gemini, pracavać pa 60 hadzin na tydzień i prychodzić u ofis choć by kožny budny dzień.
Va ŭnutranaj słužbovaj zapiscy Bryn adznačyŭ, što takija namahańni nieabchodnyja, kab Google staŭ lidaram u stvareńni štučnaha ahulnaha intelektu (AGI) — momantu, kali mašyny pieraŭzyduć čałavieka pa intelekcie, paviedamlaje The New York Times.
U dakumiencie Bryn rekamiendavaŭ supracoŭnikam prychodzić u ofis chacia b kožny budny dzień i pracavać 60 hadzin na tydzień — heta jon nazvaŭ idealnym punktam praduktyŭnaści. Pry hetym miljarder pieraściaroh, što praca zvyš hetaha času moža pryvieści da vyharańnia.
Bryn dadaŭ, što praca ŭ mienšym abjomie abo vykanańnie tolki minimalna nieabchodnych zadač nie tolki niepraduktyŭnaja, ale i moža surjozna demaralizavać astatnich.
Paśla zapusku ChatGPT u 2022 hodzie kankurencyja pamiž technałahičnymi kampanijami ŭ śfiery štučnaha intelektu rezka ŭzmacniłasia. U liście Bryn padkreśliŭ, što finalny etap honki za AGI ŭžo pačaŭsia.
Jon zajaviŭ, što Google zmoža vyjści pieramožcam, kali kamanda aktyvizuje svaje namahańni.
Choć dziejnyja praviły Google patrabujuć znachodzicca ŭ ofisie tolki try dni na tydzień, prośba Bryna ŭpisvajecca ŭ bolš šyrokuju tendencyju skaračeńnia addalenaj pracy dla pavyšeńnia efiektyŭnaści, što nazirajecca ŭ roznych kampanijach.
Jon taksama zaklikaŭ kamandu Gemini aktyŭna vykarystoŭvać instrumienty ŠI ad Google dla prahramavańnia, adznačyŭšy, što jany pavinny imknucca stać «samymi efiektyŭnymi prahramistami i navukoŭcami ŭ halinie ŠI ŭ śviecie, vykarystoŭvajučy naš ułasny ŠI».
Bryn — daloka nie adziny ŭ technałahičnym siektary, chto zaklikaje supracoŭnikaŭ pracavać bolš za zvykłuju normu ŭ 40 hadzin. Padobnyja zakliki lidaraŭ technałahičnaj haliny da padaŭžeńnia pracoŭnaha dnia šyroka razhladajucca jak stratehii zapavoleńnia najmu i skaračeńnia vydatkaŭ.
U minułym hodzie suzasnavalnik Infosys indyjski miljarder Narajana Murci prapanavaŭ uvieści 70-hadzinny pracoŭny tydzień, a ŭ studzieni inšy indyjski pradprymalnik Siecharypuram Narajanan Subrachmańjan prapanavaŭ pracavać 90 hadzin na tydzień.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary