«Załaty viek Amieryki tolki pačaŭsia». Vystup Trampa pierad Kanhresam staŭ samym praciahłym u historyi
Vystup Trampa staŭ samym praciahłym z padobnych vystupaŭ pierad Kanhresam za ŭsiu historyju. 47-y prezident ZŠA vystupaŭ pierad zakanadaŭcami bolš za 100 chvilin, piša «Hołas Amieryki».
Papiaredni rekord naležaŭ prezidentu Biłu Klintanu, pramova jakoha ŭ 2000 hodzie praciahvałasia 88 chvilin.
«Maje suajčyńniki-amierykancy, padrychtujciesia da nievierahodnaj budučyni, bo załaty viek Amieryki tolki pačaŭsia. Heta nie budzie padobna ni na što, što vy kali-niebudź bačyli», — padsumavaŭ Tramp.
Bližej da kanca svajoj pramovy Tramp paabiacaŭ stvaryć «najvyšejšuju jakaść žyćcia, pabudavać samyja biaśpiečnyja, samyja bahatyja, samyja zdarovyja i samyja žyćciazdolnyja supolnaści ŭ śviecie».
«My źbirajemsia zavajavać šyrokija miežy navuki, my źbirajemsia vyvieści čałaviectva ŭ kosmas i ŭstalavać amierykanski ściah na płaniecie Mars i navat daloka za jaje miežami, i praz usio heta my źbirajemsia znoŭku adkryć niepieraadolnuju siłu amierykanskaha duchu, i my źbirajemsia adradzić biaźmiežnaje abiacańnie amierykanskaj mary, — skazaŭ prezident ZŠA. — Kožny dzień my budziem padymacca i budziem zmahacca, zmahacca za krainu, u jakuju vierać našy hramadzianie, i za krainu, jakuju zasłuhoŭvaje naš narod».
Słuchačy taksama vitali avacyjami amierykanca Marka Fohiela, raniej vyzvalenaha z rasijskaj turmy ŭ ramkach abmienu, i jaho maci. Jany prysutničali ŭ zale padčas pramovy Trampa.
Ciapier čytajuć
Brat biełaruskaj karalevy pryhažości trapiŭ u reanimacyju ŭ Azierbajdžanie1
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
Vidać niešmat, kali nie chvalacca.