U Vilejskim rajonie adšukali adzinuju na Biełarusi juvielirnuju majsterniu kryvičoŭ
Unikalnaja znachodka moža dapamahčy daviedacca bolš pra raśsialeńnie słavianskich narodaŭ u dadziaržaŭny pieryjad.
Raskopki na terytoryi pasielišča druhoj pałovy I tysiačahodździa n.e. kala vioski Rečki Vilejskaha rajona pravodziacca z 2020 hoda. Letaś tam zrabili značnaje adkryćcio — bolš za 100 artefaktaŭ, jakija składajuć unikalny kompleks juvielirnaha ramiastva. Pra heta paviedamlaje histaryčny fakultet BDU.
Siarod ich — tyhli dla vypłaŭki mietału, narychtoŭki syraviny, vytvorčyja adchody, upryhažeńni sa śladami braku i paškodžańniaŭ, a taksama redki instrumient — całkam zachavanyja nažnicy dla raboty pa mietale.
Papiaredni analiz śviedčyć, što dadzienaja majsternia — adziny viadomy na terytoryi Biełarusi juvielirny kompleks kryvičoŭ.
Jana adnosicca da pieradździaržaŭnaha pieryjadu, a sami znachodki majuć vialikuju navukovuju kaštoŭnaść. Jany dajuć mahčymaść adnavić ujaŭleńni pra raśsialeńnie słavianskich narodaŭ u hetym pieryjadzie, vyvučyć ich haspadarčuju dziejnaść, pobyt i ramiostvy, daśledavać kulturnyja i ekanamičnyja suviazi, vyjavić rehijanalnyja asablivaści vytvorčaści ŭpryhažeńniaŭ.
Archieałahičnyja raboty ŭ hetym rehijonie taksama dazvalajuć prasačyć etapy zasialeńnia Vilejščyny na praciahu I tysiačahodździa n.e. i pahłybić viedy pra kulturu kryvičoŭ praz vyvučeńnie pasieliščaŭ i pachavalnych kompleksaŭ.
Ciapier archieołahi zajmajucca łabaratornaj apracoŭkaj znojdzienych artefaktaŭ. U supracoŭnictvie ź fizikami BDU budzie vyznačany chimičny skład vyrabaŭ z kalarovych mietałaŭ. Heta dazvolić dakładniej adnavić technałohiju vyrabu juvielirnych upryhažeńniaŭ i ŭdakładnić pieryjad funkcyjanavańnia majsterni.
Raskopki na hetym miescy praciahnuć u 2025 hodzie. Znojdzienyja artefakty papoŭniać archieałahičnuju ekspazicyju histaryčnaha fakulteta BDU ŭ niadaŭna rekanstrujavanym budynku.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy14
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć14
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2222
Kamientary
Vielmi chočacca ú pałatku, navat, nižejšuju. Z pažyćciovym utrymańniem finansavym.
Nie, Łakiza, pryjdziecca adkazać pa šerahu kryminalnych epizodaú spačatku!
Marzalukužo napracavaú na niekalki. Zaraz hety...
Pra Lochu Diermana zusim maúču - fluhier! Dzie babło, tam i Loša) pa Viki fiłosaf, Ale jaki ź jaho fiłosaf!)
Loša, pa tabie piatnaccać hod płačuć za zdradu dziaržavie! Fakty zdrady maju na rukach!)....