Francyja pačała vyvodzić svaje vojski ź Sieniehała. Jaje ŭpłyvy ŭ Afrycy ŭsio mienšajuć
Francyja pačała aficyjnuju praceduru vyvadu vojskaŭ ź Sieniehała. U piatnicu Paryž abviaściŭ, što pieradaŭ kantrol nad dvuma vajskovymi abjektami ŭ hetaj zachodnieafrykanskaj krainie miascovym uładam. Pieradača baz adbyłasia paśla taho, jak u kancy minułaha hoda Prezident Sieniehała Basiru Dyjamaj Faj abviaściŭ, što ŭsie zamiežnyja vojski pavinny pakinuć krainu, piša Euronews.
«Francuzski bok pieradaŭ sieniehalskamu boku abjekty i žyllo ŭ rajonach Marešal i Sent-Ekziupiery ŭ piatnicu, 7 sakavika 2025 hoda, — havorycca ŭ zajavie pasolstva Francyi ŭ Sieniehale. — Raźmieščanyja pobač z parkam Chan, hetyja rajony byli hatovyja da viartańnia ź leta 2024 hoda».
Tolki 200 francuzskich vajskoŭcaŭ jašče znachodziacca na hałoŭnaj vajskovaj bazie ŭ rajonie Uakam u Dakary.
Los astatnich dźviuch baz jašče abmiarkoŭvajecca. Sieniehalskija ŭłady nie chočuć śpiašacca z vyvadam raźviedvalnaha samalota Falcon francuzskich VMS, jaki bazujecca ŭ Dakary i dapamahaje sieniehalskim vajskoŭcam u praduchileńni parušeńniaŭ marskoj miažy i niezakonnaha rybałoŭstva.
U minułym miesiacy Paryž stvaryŭ sumiesnuju kamisiju z Dakaram dla arhanizacyi vyvadu vojskaŭ. Niadaŭna francuzskaja armija abviaściła ab zvalnieńni 162 sieniehalcaŭ, jakija pracavali na vajskovych bazach u krainie.
Novy nacyjanalistyčny ŭrad Sieniehała zaniaŭ ćviorduju pazicyju ŭ dačynieńni da prysutnaści francuzskich vojskaŭ u ramkach bolš maštabnaj rehijanalnaj baraćby sa spadčynaj kałanijalnaha režymu. Pa ŭzajemnaj damovie vyvad francuzskich vojskaŭ pavinien skončycca na praciahu 2025 hoda.
Za apošnija hady Paryž paciarpieŭ šmat niaŭdač u vajskovaj prysutnaści ŭ Afrycy, asabliva na zachadzie kantynientu. U lik krain, jakija niadaŭna nastajali na vyvadzie francuzskich vojskaŭ, uvachodziać Čad, Nihier i Burkina-Faso. Vostry abmien dumkami pamiž prezidentam Makronam, jaki abvinavaciŭ afrykanskija krainy ŭ niaŭdziačnaści, i novymi lidarami afrykanskich dziaržaŭ paskoryŭ hety praces. Zamiest francuzaŭ u jakaści hałoŭnaj źniešniaj siły ŭ hetyja krainy prychodzić Rasija, jakaja abapirajecca na PVK «Vahnier».
Francyja zajaviła, što płanuje rezka skaracić svaju prysutnaść na ŭsich svaich bazach u Afrycy, uklučajučy 350 vajskoŭcaŭ u Sieniehale, za vyklučeńniem Džybuci na ŭschodzie kantynientu. Pa słovach Paryža, zamiest hetaha jana moža pravodzić navučańnie abo akazvać metavuju vajskovuju padtrymku zychodziačy z patreb kožnaj asobnaj krainy.
Rasija sprabuje destabilizavać Nihieryju. Upadzie jana — upadzie ŭsia Zachodniaja Afryka
U Afrycy moža vybuchnuć jašče adna vialikaja vajna. I vahnieraŭcy kruciacca pobač
Prarasijski rehijon Afryki, dzie zabili vahnieraŭcaŭ, abjadnaŭsia ŭ kanfiederacyju. Dziela čaho?
Chto takija tuarehi, jakija razhramili kałonu vahnieraŭcaŭ? I za što jany vajujuć?
Makron abviaściŭ pra zakančeńnie epochi «francuzskaj Afryki»
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary