Śviet

Makron abviaściŭ pra zakančeńnie epochi «francuzskaj Afryki» 

Prezident Francyi, jaki ciapier ździajśniaje afrykanskaje turne, zrabiŭ padčas vystupleńnia ŭ stalicy Habona Librevili zajavu, jakaja moža vyklikać šmat sprečak i dyskusij. Pavodle jaho, možna ŭžo kazać pra zakančeńnie epochi «francuzskaj Afryki».

«Hetaja epocha francuzskaj Afryki (Françafrique) daŭno skončyłasia, ale ŭ mianie časam uźnikaje adčuvańnie, što mientalitet spaźniajecca, kali ja čytaju, čuju, baču, što Francyi ŭsio jašče prypisvajuć namiery, jakich u jaje niama…

Ad jaje ŭsio jašče čakajuć pazicyi, jakuju jana admaŭlajecca prymać… U Habonie, jak i ŭsiudy, Francyja źjaŭlajecca niejtralnym surazmoŭcam, jaki razmaŭlaje z usimi bakami i jaki nie ŭmiešvajecca va ŭnutranuju palityku», — zajaviŭ Makron.

Francyja da druhoj pałovy XX stahodździa vałodała vialikimi kałonijami ŭ Zachodniaj i Ekvataryjalnaj Afrycy. Ślady hetaha zastajucca dahetul, bo bolšaść byłych kałonij Francyi pa-raniejšamu vykarystoŭvajuć francuzskuju movu ŭ jakaści dziaržaŭnaj, a ŭ jakaści valuty ŭ ich frank KFA.

Akramia taho, u rehijonie zachoŭvajuć prysutnaść francuzskija vajskoŭcy, jakija ŭdzielničajuć u šerahu apieracyj. Ale hety ŭpłyŭ sapraŭdy ŭsio bolš źmianšajecca. Prynamsi, Francyja 17 lutaha 2022 hoda pačała vyvad svaich vojskaŭ z Mali ŭ ramkach apieracyi «Barchan».

U toj ža čas u Afrycy, u tym liku kolišniaj francuzskaj, pašyrajecca ŭpłyŭ Kitaja, a ŭ niekatorych krainach, jak Centralnaafrykanskaja Respublika, Mali ci Burkina-Faso — pucinskaj Rasii, u tym liku praz vajskovyja dziejańni «PVK Vahniera».

Čytajcie taksama:

Novy premjer Mali hod žyŭ u Minsku i dziesiać — u Maskvie. Jak byłaja francuzskaja kałonija pieratvarajecca ŭ farpost Rasii ŭ Afrycy

Kamientary

Ciapier čytajuć

Jakija harady najbolš paciarpieli ad palityčnych represij? Voś śpis11

Jakija harady najbolš paciarpieli ad palityčnych represij? Voś śpis

Usie naviny →
Usie naviny

U Rasii sprabujuć adradzić «Vołhu». Niechta zaśniaŭ novuju madel — heta kopija Geely11

Hałoŭny doktar Jelskaj balnicy, dzie ŭ mai pamierła 14‑hadovaja školnica, uznačaliŭ sanatoryj2

«Durnica skončyłasia». Łukašenka daručyŭ navieści ŭ APK Viciebskaj vobłaści žalezny paradak26

Bai ŭ Kupiansku. Ci varta čakać chutkaha padzieńnia horada?12

Milicyja źmianiaje farmat słužby 102. Jak budzie pa-novamu?10

Śviatłana i Siarhiej Cichanoŭskija apublikavali viasielnaje FOTA33

Minčuka pasadzili na 10 sutak za toje, što paŭdzielničaŭ u konkursie treš-błohiera Mellstroy2

Viačorka: Ideja ź vialikaj ździełkaj ad Łukašenki mianiaje ŭvieś farmat13

«Łuŭr abrabavali siarod biełaha dnia. A mianie ŭ Biełarusi krama vyličyła za 7 chvilin pa bonusnaj kartcy»10

bolš čytanych navin
bolš łajkanych navin

Jakija harady najbolš paciarpieli ad palityčnych represij? Voś śpis11

Jakija harady najbolš paciarpieli ad palityčnych represij? Voś śpis

Hałoŭnaje
Usie naviny →

Zaŭvaha:

 

 

 

 

Zakryć Paviedamić