Adkryćcio abnoŭlenaha parku imia Maksima Horkaha adbudziecca 1 maja, a vosieńniu pačniecca čaćviortaja čarha budaŭnictva parku imia Uha Čaviesa. Pra heta na pasiadžeńni raspavioŭ namieśnik načalnika ŭpraŭleńnia «Haradskija parki» UP «Minskzielenbud» Siarhiej Ražnoŭ, pišuć Minsk-naviny.
Zaraz zaviaršajecca rekanstrukcyja parku imia Horkaha. Byli madernizavany darožki, aśviatleńnie, abjekty handlu i spartyŭnyja zbudavańni. Taksama płanujecca budaŭnictva bujnoha dziciačaha haradka ź biaśpiečnym pakryćciom i čatyroch kafe ŭzdoŭž nabiarežnaj raki Śvisłač. Jarkaje adkryćcio abnoŭlenaha parku adbudziecca 1 maja, i my ź nieciarpieńniem čakajem usich haściej, — raspavioŭ S.Ražnoŭ.
Taksama zaviaršyłasia treciaja čarha budaŭnictva parku imia Uha Čaviesa: byli stvorany šyrokija i dahledžanyja darožki, ustanoŭlena aśviatleńnie, pabudavana šmat uschodaŭ i vieładarožak, a taksama ŭładkavany zony dla adpačynku i novyja atrakcyjony.
— U 2025 hodzie my pačali prajektavańnie čaćviortaj čarhi budaŭnictva parku, płanujecca pašyrać jaho dalej. Asnoŭnaja ŭvaha nadadzim spartyŭnaj tematycy: buduć pabudavany placoŭki dla ŭsich asnoŭnych vidaŭ sportu, uklučajučy futboł, valejboł, baskietboł, strytboł, — adznačyŭ S.Ražnoŭ. — Taksama budzie chakiejnaja placoŭka, jakaja adsutničała ŭ našych parkach da hetaha, i my majem namier raźvić hety kirunak. Akramia taho, praduhledžany viełatrek.
Ciapier čytajuć
U źniavoleńni pamior asudžany pa palityčnych artykułach danosčyk i ŭdzielnik akcyj za Łukašenku13
Kamientary