Amierykanskaja raźviedka nie paćviardžaje zajavy Rasii ab akružeńni USU na Kurščynie
Prezidenty ZŠA i Rasii Donald Tramp i Uładzimir Pucin nieadnarazova zajaŭlali pra akružeńnie ŭkrainskich vojskaŭ u Kurskaj vobłaści. Adnak ža try amierykanskija i jeŭrapiejskija krynicy ahienctva Reuters, znajomyja z acenkami amierykanskaj raźviedki, infarmacyju pra nibyta akružeńnie abviarhajuć.
Pavodle źviestak ahienctva, amierykanskija raźviedsłužby, uklučajučy CRU, padzialilisia hetaj acenkaj ź Biełym domam na minułym tydni. Tym nie mienš, Tramp praciahvaŭ śćviardžać, što ŭkrainskija vojski akružanyja na zachadzie Kurskaj vobłaści Rasii.
Amierykanskaja i jeŭrapiejskaja raźviedki paćvierdzili, što ŭkrainskija vojski adčuvajuć mocny cisk z boku rasijskich siłaŭ, ale nie znachodziacca ŭ poŭnym akružeńni.
Rada nacyjanalnaj biaśpieki ZŠA nie adkazała napramuju na pytańni Reuters ab acenkach raźviedki, ale spasłałasia na supolnuju zajavu dziaržsakratara Marka Rubia i daradcy ŭ nacyjanalnaj biaśpiecy Majka Uołtca, dzie zhadvaŭsia zvanok Trampa Zialenskamu i ich damoŭlenaść praciahvać abmien raźvieddanymi «pa Kursku». Bieły dom, CRU i ofis dyrektara Nacyjanalnaj raźviedki ad kamientaroŭ admovilisia.
Raniej prezident Ukrainy Uładzimir Zialenski, pryznajučy składanaje stanovišča ŭkrainskich vajskoŭcaŭ, nieadnarazova abviarhaŭ zajavy ab akružeńni ŭkrainskich vojskaŭ. Hienštab USU zajaŭlaŭ pra toje, što ŭkrainskaje vojska «zaniało bolš vyhadnyja rubiažy abarony i praciahvaje vykonvać zadačy».
U svaju čarhu, amierykanski Instytut vyvučeńnia vajny (ISW) 14 sakavika zajaŭlaŭ, što «nie vyjaviŭ nijakich hieałakavanych dokazaŭ taho, što rasijskija siły akružyli značnuju kolkaść ukrainskich sił u Kurskaj vobłaści abo dzie-niebudź jašče ŭzdoŭž linii frontu».
Sa žniŭnia 2024 hoda, kali ŭkrainskija vojski prarvalisia praz zachodniuju miažu Rasii ŭ Kurskaj vobłaści, USU stracili amal usiu raniej zaniatuju terytoryju, uklučajučy rajcentr Sudža. Pavodle danych z adkrytych krynic, kali raniej Ukraina kantralavała kala 1295 kvadratnych kiłamietraŭ, to ciapier — ad 51 da 78.
«Usio skončana». Ukrainskija vajskoŭcy raskazali pra adstupleńnie z Kurskaj vobłaści
Zialenski: Kurskaja apieracyja vykanała svajo zadańnie
Hienštab USU abvierh zajavu Trampa ab «akružeńni ŭkrainskich vojskaŭ»
U Minsku ad imia pravasłaŭnaj carkvy biełarusaŭ zaklikajuć źbirać rečy žycharam Kurskaj vobłaści
«Tramp, vidać, nie pahadziŭsia na hetyja varjackija ŭmovy»: pieršyja reakcyi na razmovu Trampa z Pucinym
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
Vot i zdieś istoriju s nieskolkimi vojennymi VSU, kotoryje diejstvitielno popali v plen na Kurŝinie, Putin razduł do masštabov viaziemskoho kotła vriemien vtoroj mirovoj. Zatiem dla łučšiej usvojaiemosti smačno pripravił jejo difirambami v adries Trampa i proklaťjami v adries diemokratov, jakoby ukravšich u Trampa pobiedu v 2020, i vlił etu bielibierdu v uši ryžieho pocijenta. A poskolku tot vierit druhu Vładimiru bolšie, čiem sobstviennym śpiecsłužbam jeŝie so vriemien vstrieči v Chielsinki v 2018 hodu, to on niemiedlenno vyšieł s iniciativoj maksimalno humanno obojtiś s zapiertoj v kotle hruppirovkoj. Tiem boleje čto na biezryb́je po riezultatam zvonka dažie eta čuš namnoho łučšie dla imidža nieudavšiehosia mirotvorca "za 24 časa", čiem otdajuŝaja połnym idiotizmom dohovoriennosť o matčie KCHŁ-NCHŁ.