Apošnim časam vandruju. Zaŭsiody z fotaaparatam. Na nastupnyja 12 dzion plan: Miensk-Barselona-Perpińjan i ŭ advarotnym nakirunku. Jedu na hałoŭny fotafestyval fotažurnalistaŭ “Visa pour l'Image” ŭ Perpińjan, što na miažy Francyi dy Hišpanii.
Apošnim časam vandruju. Zaŭsiody z fotaaparatam. Na nastupnyja 12 dzion plan: Miensk-Barselona-Perpińjan i ŭ advarotnym nakirunku. Jedu na hałoŭny fotafestyval fotažurnalistaŭ “Visa pour l'Image” ŭ Perpińjan, što na miažy Francyi dy Hišpanii. Na jaho pryjaždžajuć fatohrafy i fotaredaktary ŭsich suśvietnych hazet i ahiencyj, 7 dzion, 24 hadziny non-stop, prahlady partfolijo, vystavy, pieramovy, zrazumieła – siabry, vino i čaho krapčejšaha. Pajechaŭ.
Dzień 1. Niadziela, 3 vieraśnia.
Ryha. Znajomyja pracujuć u sučasnaj halerei videamastactva. Halereja – staraja barža z prazrystym namiotam na joj. Videainstalacyi, archiŭ videamastactva Łatvii z 1988 – chistajucca na chvalach u halerei “Nojeŭ kaŭčeh”. Na manitory vybiraješ patrebny film ź biblijateki i hladziš na ścienku nad manitoram – tam karacieńkija filmy. Ja ŭ art-videa i art-fota razumieju vielmi abmiežavana.
Siońnia ŭ halerei śviatkavała svoj dzień narodzinaŭ ministar kultury Łatvii. Hości – intelihiencyja: piśmieńniki, architektary, mastaki, muzyki… U siaredzinie zali staić makiet Muzeju sučasnaha mastactva. Architektar z kiliškam vina abmiarkoŭvaje jaho sa znajomymi, znajomyja – z kiliškami. Hości vinšujuć ministra – nichto nie prynios adnolkavych kvietak, padarunki daryć čynoŭnikam zabaroniena zakonam – usie dorać butelku vina. Vino vystaŭlajecca na specyjalny stoł la ŭvachodu – potym vypjem i hetaje vino. Eks-premjer-ministar zaraz vielmi bahaty čałaviek, pryjechaŭ na matornaj łodcy. Žyvie jon niedaloka, niekalki kvartałaŭ pa race. Biez patasu, tak vyhodniej. I hučniej. Ministar razmaŭlaje z usimi, uvieś čas paśmichajecca.
Idzie doždž, praz prazrysty plastyk bačnaja staraja Ryha – špili kaściołaŭ, salut nad imi – nichto sa znajomych nia viedaje, u honar čaho.
Siurpryz ad siabroŭ – zaprošanyja muzyki, što hrajuć na kiliškach z roznaj kolkaściu vady. Paźniej pad trafarety balončykami farby kalektyŭna namalavali ŭ padarunak karcinu.
Usio. Pajšli z maim siabram-fatohrafam damoŭ. Vypili ŭtraich – ja, jon, jahonaja žonka Liha — majho samahonu, pahavaryli.
Zdymki nie rabiŭ – etykiet zabaraniaje fatahrafavać na mierapryjemstvach takoha kštałtu.
Ciapier čytajuć
Kancert Maksa Karža pačaŭsia z zatrymkaj na dźvie hadziny. «Biełaruś top!» — kryčać i jon, i fanaty3
Kamientary