Sierbskaja avijakampanija Air Serbia znoŭ pačała vykarystoŭvać pavietranuju prastoru Biełarusi na rejsach pamiž Białhradam i Maskvoj. Pavodle danych Flightradar24, novy maršrut pačaŭ vykarystoŭvacca z 3 sakavika 2026 hoda, zaŭvažyŭ telehram-kanał «Ot vinta | Aviacija Biełarusi».
Samaloty na linii Białhrad — Maskva — Białhrad ciapier rehularna pralatajuć praź minski rajon palotnaj infarmacyi (FIR Minsk (UMMV), choć raniej kampanija amal piać hadoŭ ablatała Biełaruś.
Hety maršrut ličycca najbolš karotkim i zručnym dla avijapieravozčyka. U paraŭnańni z ablotam praz Polšču i krainy Bałtyi jon dazvalaje skaracić šlach prykładna na 100—150 kiłamietraŭ. Heta daje ekanomiju kala 10 chvilin palotnaha času i źnižaje vydatki na paliva. Akramia taho, pry palocie praź Biełaruś samalot prachodzić praź mienšuju kolkaść zon palotnaj infarmacyi, što taksama pamianšaje navihacyjnyja zbory.
Raniej Air Serbia admoviłasia ad palotaŭ praź Biełaruś u mai 2021 hoda paśla incydentu z rejsam Ryanair z Ramanam Pratasievičam na borcie, jaki byŭ vymušana pasadžany ŭ Minsku. Paśla hetaha mnohija jeŭrapiejskija avijakampanii pačali paźbiahać biełaruskaj pavietranaj prastory. Choć Air Serbia nie ŭvachodzić u Jeŭrasajuz i nie była abaviazanaja vykonvać hetyja rekamiendacyi, jana taksama źmianiła svaje maršruty.
Ciapier Air Serbia faktyčna stała adzinaj jeŭrapiejskaj avijakampanijaj (kali nie ličyć rasijskija i tureckija), jakaja rehularna vykarystoŭvaje pavietranuju prastoru Biełarusi. Akramia taho, jana zastajecca adnoj ź niamnohich jeŭrapiejskich kampanij, što praciahvajuć vykonvać rejsy ŭ Rasiju.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary