Mahiloŭski abłasny sud vynies prysud pa kryminalnaj spravie ŭ dačynieńni da raniej sudzimaha žychara rehijonu, abvinavačanaha ŭ zabojstvie z asablivaj žorstkaściu. Achviaraj staŭ jahony baćka, invalid druhoj hrupy, paviedamlaje pres-słužba suda.
Pavodle materyjałaŭ spravy, abvinavačany ŭ stanie ałkaholnaha apjanieńnia padčas svarki žorstka źbiŭ svajho 64-hadovaha baćku, jaki znachodziŭsia ŭ biezdapamožnym stanie z-za parušeńniaŭ aporna-ruchalnaha aparata.
Śledstvam ustanoŭlena, što mužčyna nanios achviary nie mienš za 29 udaraŭ rukami, nahami i tupym pradmietam. Paśla hetaha jon nakryŭ baćku koŭdraj, pakinuŭ lažać na padłozie i loh spać.
Ad atrymanych traŭmaŭ paciarpieły nieŭzabavie pamior na miescy — pryčynaj śmierci stała vostraja lohačna-sardečnaja niedastatkovaść, vyklikanaja množnymi traŭmami hrudnoj kletki i ŭnutranych orhanaŭ.
U sudzie abvinavačany całkam pryznaŭ svaju vinu. Źmiakčalnymi abstavinami byli pryznanyja jaŭka z pavinnaj i raskajańnie, abciažarvalnymi — stan ałkaholnaha apjanieńnia i najaŭnaść niepahašanaj sudzimaści. Usiaho raniej jon byŭ sudzimy piać razoŭ.
Sud pryznaŭ mužčynu vinavatym pa punktach 2 i 6 častki 2 artykuła 139 KK (Zabojstva asoby, jakaja znachodzicca ŭ biezdapamožnym stanie, z asablivaj žorstkaściu) i prysudziŭ jaho da 15 hadoŭ pazbaŭleńnia voli ŭ papraŭčaj kałonii strohaha režymu. Akramia taho, u dačynieńni da asudžanaha pastanoŭlena prymianić prymusovaje lačeńnie ad chraničnaha ałkahalizmu.
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak
Palak, asudžany za zhvałtavańnie i zabojstva biełaruski, źbirajecca abskardžvać pažyćciovy prysud
Japoncu, jaki pałovu stahodździa čakaŭ śmiarotnaha prysudu i byŭ apraŭdany, pryznačyli $1,5 miljona kampiensacyi
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary