Biełaruskija błohiery źniali pad Miadziełam vializnuju čaradu dzikich husiej VIDEA
Dva biełaruskija błohiery, jakija raźmiaščajuć u instahramie šmat fota žyvoj pryrody, apublikavali dva videa, na jakich vyjaŭlenaja vialikaja čarada pieralotnych dzikich husiej. Videa źniatyja ŭ Miadzielskim rajonie.
«Tysiačy pieralotnych husiej adpačyvali na poli ŭ Miadzielskim rajonie. U niejki momant usia čarada padniałasia ŭ pavietra adnačasova, zaćmiŭšy soniečnaje śviatło», — napisaŭ adzin z naturalistaŭ.
«Znoŭ adčuŭ zachapleńnie ad takoj kolkaści ptušak i ich zładžanych dziejańniaŭ. Heta ŭsio, było zapraŭlena miakkim śviatłom viačerniaj zary, paśla zachodu sonca», — dzielicca ŭžo inšy błohier, pabačyŭšy čaradu ŭ inšy dzień u inšym miescy.
Pavodle acenki błohieraŭ, u hetaj čaradzie nabirajecca «dziasiatki, kali nie sotni tysiač asobin».
Kamientary
A mo i nie