Tak, Volhu Bondaravu nichto nie evakujavaŭ. Jana praciahvaje adbyvać na Akreścina svaje pryznačanyja 13 sutak.
Navina pra emihracyju danosčycy Volhi Bondaravaj na Zachad — žart, u stvareńni jakoha «Našaj Nivie» pahadziŭsia padyhrać kiraŭnik fonda «Bajsoł» Andrej Stryžak.
Choć nijakaj evakuacyi i nie adbyłosia, Stryžak parazvažaŭ nakont taho, što rabiŭ by, kali b atrymaŭ zapyt ad Bondaravaj.
«Na pieršym etapie my b upeŭnilisia što heta nasamreč jana (majem srodki vieryfikacyi) i potym by zapuścili praceduru. U miežach pracedury vyznačajucca suadnosiny pakarańnia, što pahražaje čałavieku, i patencyjnaja škoda/karyść dla hramadstva i krainy prymańnia, što moža prynieści były prapahandyst/siłavik. Hety analiz adbyvajecca ŭ ščylnaj supracy z krainami, kudy čałaviek moža trapić dziakujučy našamu ŭmiašańniu», — patłumačyŭ Stryžak.
Adznačym, što infarmacyja vyklikała vielizarny intares u čytačoŭ — pa stanie na viečar 1 krasavika hetu navinu pračytali dziasiatki tysiač čałaviek. Jak vynikaje z kamientaroŭ, bolšaść adrazu zrazumieli, što heta niepraŭdzivaja infarmacyja. Adnak šmat chto pavieryŭ, što mahčyma i takoje. Što ž, z 1 krasavika!
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»17
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary