U maršrutcy ź Minska na Zasłaŭje chacieli admianić siem prypynkaŭ, ale ludzi ich adstajali
Niadaŭna stała viadoma, što pryharadnuju maršrutku №1499TK «Minsk — Zasłaŭje» z pryharadnych pieraviali ŭ razrad haradskich. Pry hetym ustanova «Staličny transpart i suviaź» abjaviła pra namier admianić u joj siem prypynkaŭ. Adnak patok niehatyŭnych reakcyj prymusiŭ transpartnikaŭ ad hetych płanaŭ admovicca, piša Blizko.by.
Admianić źbiralisia prypynki «Stancyja Ždanovičy», «Centr reabilitacyi», «Stancyja Minskaje mora», «Ratamka», «Kryžoŭka», «Juny Kamunar», «Zialonaje» — heta značyć, pramiežkavyja prypynki pamiž MKAD i Zasłaŭjem.
Ludzi, adnak, pačali skardzicca ŭ kamientarach na sajcie pieravozčyka:
«Jak vy prapanujecie ciapier jeździć ranicaj na pracu ludziam, a dzieciam u škołu? Elemientarna pajechać u Minsk, źjeździć u bližejšuju apteku, jakaja znachodzicca na stancyi Ždanovičy, u vypadku, kali naša ŭ ŽK «Pirs» nie pracuje? A ŭviečary jak być?! Iści ŭzdoŭž darohi, dzie niama abočyny i tratuara, a ŭ ciomny čas sutak jana nie aśvietlenaja lichtarami, kali iści z elektryčki. […] Abo pa lesie chvilin z 20 ciemraj, tam nie tolki dzieciam budzie strašna iści, ale i darosłamu čałavieku ŭviečary z elektryčki».
«Bolš nivodnaje maršrutnaje taksi tam nie spyniajecca. Z hetaha vynikaje pytańnie, jak dabiracca ludziam na pracu? Razvoz i davoz na majoj pracy nie ažyćciaŭlajecca. Na taksi jeździć prapanujecie?», — pisali aburanyja žychary.
U vyniku da zaŭvah prysłuchalisia. Transpartniki źmianili tekst naviny, paznačyŭšy:
«Kolkaść vykananych rejsaŭ, a taksama kolkaść prypynačnych punktaŭ na maršrucie zachoŭvajecca».
Maršrutčyk hadami padmanvaŭ davierlivych žančyn i vyciahnuŭ ź ich amal 70 tysiač rubloŭ
«Vyjšli ź mietro i vystraiłasia čarha». U «Minabłpasažyrtransie» prakamientavali situacyju z čerhami na maršrutki
Jak vyhladajuć čerhi na maršrutki ź Minska ŭ Barysaŭ i Žodzina VIDEA
U maršrutkach vosieńniu pačnuć abaviazkova prymać apłatu kartkami
U Babrujsku druhi raz za tydzień źmianiajecca cana prajezdu ŭ maršrutkach. Ale hetym razam tańnieje
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary